محمد سامي يصدم عفاف شعيب بعد خسارتها قضية السب (تفاصيل)
علق المخرج محمد سامي على قرار محكمة القاهرة الاقتصادية، برفض دعوى التعويض المقامة من الفنانة عفاف شعيب ضده بتهمة السب والقذف، وذلك خلال منشور عبر حسابه الشخصي بموقع التواصل الإجتماعي الأشهر “فيس بوك”.
أول تعليق من محمد سامي بعد رفض دعوى التعويض المقامة من عفاف شعيب ضده بتهمة السب والقذف
أعرب محمد سامي عن دهشته واستنكاره لإصرار عفيف شعيب على رفع دعاوى قضائية ضده، على الرغم من خسارتها الدعاوى السابقة، حيث قال: “مدام عفاف شعيب بقالها سنتين بترفع عليا قضايا و بتخسرها ، و النهاردة كانت آخر قضية و برضه خسرتها ، ماعرفش ليه هى مصره تقاضينى بدون و جه حق و تقول إنى سبتها و غلطت فيها فى أحد البرامج التلفزيونية و ده محصلش”.
وأضاف: “والمحاكم حكمت إنه محصلش و بأحكام نهائية و المحاكم سببت أحكامها بأنه لم يحدث منى تجاهها أى تجاوز أو إساءة و كل الأحكام الصادرة من المحاكم الجنائية و المدنية كانت لصالحى فى كل الدرجات و أصلا الحلقة اللى هى إدعت إنى سبتها فيها موجوده أون لاين و أى حد يقدر يشوفها”.
واستكملت: “أنا مستحيل أتجاوز في حق ست فى سن أمى أو أكبر و كمان فنانة كبيرة و ليها تاريخها ، أنا أول مرة اقول تصريح بخصوص الموضوع ده لأنى إنتظرت لما الفنانة تخسر القضايا بكل درجاتها زي ماحصل وبعدين أتكلم ”.
وأردف: “ودلوقتى بناقش أنا و المستشار القانوني الأستاذ/شعبان سعيد المحامى المفروض نعمل إيه الفترة دى بعد سنتين من التجاوز فى حقى و الإساءة لشخصى ، إما إننا نبدأ نتخذ إجراءات قانونية ضدها بالتعويض على التشهير و إفساد السمعة أو إننا نقول عفا الله عما سلف”.
واختتم محمد سامي منشوره قائلًأ: “والست و المحامى بتاعها دلوقتى فيهم اللى مكفيهم و المفروض نكبر دماغنا و مانزودش عليهم الهم و نسامحهم و ناخدهم و نتعشى مع بعض بره و نعزمهم على (ريش و بيتزا )”.