إبراهيم فايق يوجه رسالة إلى حمزة عبدالكريم بعد انضمامه إلى برشلونة

 وجه الإعلامي إبراهيم فايق، رسالة إلى حمزة عبدالكريم، مهاجم الأهلي المنتقل حديثًا إلى برشلونة الإسباني، بعد إتمام الصفقة بشكل رسمي.

 وقال إبراهيم فايق عبر إم بي سي مصر 2: “عنوان انضمام حمزة عبدالكريم لبرشلونة عظيم وجميل، ولكن أراها ليست النهاية”.

 أضاف: “لو بتسمعني يا حمزة أتمنى تكون دي بداية قصة حياتك اللي إنت هتعيشها، فخلّي قصة حياتك دي أعظم قصة، ما تبصّش وراك ولا تكتفي إنك رُحت برشلونة، اللي فات ولا حاجة، التحدي بدأ حالًا علشان تحجز مكانًا في فريق عظيم ده”.

 وأتم: “الأمر هيحتاج منك صبرًا وتحتمل ضغوط وإحساسك دايمًا إنك معملتش حاجة، مجرد الانضمام مش هو الأمل بس، لازم تعرف إن عليك مجهود كبير لحد ما تلعب مع الفريق الأول”.