بعد تهديده مذيعة مشهورة.. نادر أبو الليف يتوعد هؤلاء "عيب احترموا نفسكم"
رد الفنان نادر أبو الليف على اتهامات الجمهور له بتعمده التشهير بإحدى المذيعات من دون الكشف عن هويتها بهدف تصدر الترند وإثارة حالة من الجدل للفت الأنظار، حيث وصل الأمر إلى تهديد البعض له بمقاضاته واتخاذ الإجراءات القانونية كافة ضده.
نادر أبو الليف عن تهديده لمذيعة مشهورة: لو عايز أقول هي مين كنت قلت وأي رد فعل منها أنا قابل وموافق:
كتب نادر أبو الليف: “السلام عليكم ورحمة الله وبركاته إلى كل من إتريق وقال عليا أي كلام فاضي ومقدرش ولا فهم مقصود البوست وعمال يهري ويهبد وبيزيد عايز أقولهم عيب وكل واحد يلزم حدوده ويحترم نفسه علشان إلمفروض إنكم ناس مثقفة وناس بتفكروبتقدر وبتفهم”، وذلك خلال منشور عبر حسابه الشخصي بموقع التواصل الاجتماعي “فيسبوك”.
وأضاف: “وإللي بيقول إن أنا بشهر بالمذيعة وعايز يرفع قضية هترفع قضية علي إيه يا ناصح إخواتك أنا لاقولت اي شيء يدل علي هي مين يبقي هترفع قضية علي إيه بلاش هبد وعيب عليكم لأن أنا لو عايز اقول هي مين كنت قولت وعرفتكم وأي رد فعل منهااا أنا قابل وموافق” .
نادر أبو الليف بعد الهجوم عليه على بوست المذيعة: أي حد عايز يرفع قضية على اللي نزلته أنا جاهز:
واستكمل: “واي حد عايز يرفع قضية علي البوست إللي نزلته أنا جاهز جدًا بس لو خسرتوا القضية قسمابالله ما هتصعبوا عليا ومش هتنازل وهاخد حقي بمي يرضي الله ثم بالقانون علشان كل من تسول له نفسه يعرف قبل مايخطي أي خطوة ويتقي الله لان أنا والحمد لله ماشي جوا الحيط ولا ليا في اليمين ولا في الشمال ولا ليا في اللف لفا”.
وأردف أبو الليف: “والحوارات إللي بتقولوا عليها لأن العمر عدي وفات ولا يبقي منه غير القليل والحمدلله راضي بكل مامريت بيه في حياتي وفي دنيتي وأرجو يكون كلامي اتفهم وأوضحت الصورة وممكن يكون اللي كتبته غير مقصود بالمعني إللي وصل لكم”.
واختتم منشوره قائلًا: “ولكن أنا غير مسؤول عن تفكير وضمائركم لأن فيه ربنا هو إللي في الآخر هنقف كلنا قصائده وهنتحاسب وأنا راضي كل الرضي… وأشكركم وأسف على الإطالة”.
نادر أبو الليف يتهم مذيعة مشهورة: أول حرف من ٱسمها N وبعد لما أخدت غرضها مني عملتلي حظر:
وكان قد أثار نادر أبو الليف ضجة واسعة بعدما كشف عن تعرضه للنصب من مذيعة مشهورة دون الكشف عن هويتها، مكتفيًا بذكر بعض المعلومات عنها وعن أول حرف من اسمها، وذلك خلال منشور عبر حسابه الشخصي بموقع “فيسبوك”.
كتب أبو الليف: “مساء الخير على كل حبايب قلبي اللي متابعين عايز اقول علي مذيعة شغالة علي قناة فضائية اول حرف من ٱسمها ( N) وسكنا في الرحاب كنا أصحاب مقربين جدا جدا جدا وبعد لما اخدت غرضهاااا مني عملتلي حظر تخيلوا قلة الأصل والوطيان ولو مفكتش الحظر هقول علي إسمهاااا والقناة إللي شغالافيها وإسم البرنامج علشان بمزاجي”.
وأضاف: "لكن تفتكري إنك مفتحه واخدتي إللي إنتي عايزاه مني وضحكتي عليا فا اهون عليا أقول
كل حاجة وأنا راجل مافيش حاجة تعبني وعندها ولد اول حرف من إسمه (ي)".
نادر أبو الليف يهدد مذيعة مشهورة: هنزل صورا لينا لو ما شالتش الحظر وهيبقى كل حاجة على عينك يا تاجر:
واختتم أبو الليف قائلًا: “أنا منتظر وعامل بأصلي وبالعيش والملح وهنزل كمان صورا لينا لو ما شالتش الحظر وهيبقي كل حاجة على عينك يا تاجر أنا مش بهدد ولكن بعمل إللي عليا قبل لما أخد أي خطوة وإللي عايز يعرف مين هيا يكلمني علي الواتساب وشكرًا”.