حسام حسن: وديات إسبانيا والبرازيل والسعودية أفضل إعداد لكأس العالم
أكد حسام حسن المدير الفني لمنتخب مصر على أهمية الفترة المقبلة في إعداد الفراعنة لبطولة كأس العالم، بعد الاتفاق على خوض عدة مواجهات ودية مميزة وقوية.
وقال حسام حسن في تصريحاته خلال المؤتمر الصحفي: " هدفنا الآن التحضير الجيد لكأس العالم، وعلشان نقلل الفارق بيننا وبين الفرق المشاركة لازم نستعد بشكل جيد ولازم نتعاون كلنا، مبقاش أنا في وش المدفع لما يحصل إخفاق والناس تقول حسام حسن عمل ايه".
وأضاف: " لازم نوصل لمستوى نجاح محترم، عملنا مباريات ودية مهمة جدًا مع منتخبات الناس كلها تتمناها، وهي إسبانيا والبرازيل والسعودية ولسه فيه مباراة رابعة، علشان نقابل المنتخبات دي لازم نستعد بشكل قوي، مركز المنتخبات الوطنية رائع ويغني عن الإقامة في أي فندق".
وتابع: " الهدف عندنا هو تجديد الفريق علشان منعطلش بعد كده سواء أنا موجود أو لا، دخل معانا لاعيبة جديدة وأدوا بشكل جديد، كان معانا ٢٦ لاعب مش ٢٨ ودي أول مرة تحصل في تاريخ البطولة، هي مش منظرة مني لكن عاوز أديهم احساس كلاعبين إنهم خاضوا بطولات كبيرة وعاشوا الأجواء".
وواصل: " بقالنا سنتين بنكافح ونقاتل علشان نفرح الناس، وانا سعيد بردود الفعل وإن الناس راضية والحمدلله اننا مقصرناش، السلام الوطني المصري مش سهل تسمعه قصاد جماهير أو شعب آخر، تمثيل مصر مش سهل ".
واختتم العميد تصريحاته: "السعي لإسعاد الشعب المصري مش سهل، أرجو اننا نحترم بعضنا جوه مصرعلشان الناس كلها تقدرنا خارج مصر، ده بيفرق كتير ويكبرنا أمام الناس كلها".