السبب الحقيقي لنقل شيرين عبدالوهاب من منزلها بسيارة إسعاف.. شقيقها يكشف لأول مرة
حسم شقيق شيرين عبد الوهاب الجدل المثار حول قصة عربية الإسعاف التي نقلت شقيقته من منزلها، ليجيب عن السؤال الذي حير الكثيرون وهو سبب نقل شيرين من منزلها بعربية إسعاف وليس بسيارة عادية، وذلك خلال منشور عبر حسابه الشخصي بموقع “فيسبوك”.
شقيق شيرين عبد الوهاب يكشف سر نقل شقيقته لمنزل زينة بسيارة إسعاف
قال شقيق شيرين عبد الوهاب: “موضوع بقي عربية الإسعاف زينه عدت عليها يوم قالتلها أنا حاسه اني تعبانة قالتلها مستشفي الجوي اهي قريبه يلا بينا راحت واطمنت عليها وهما هناك الدكاترة طلبت منظار خدت بنج ومكانتش قادره تركب العربية خدوها بسيارة اسعاف لحد بيتها”.
وأضاف: “دي كل الحكاية الصحفيين بتوعنا المحترمين بقي عرفوا ازاي عشان بيجندوا ممرضين في معظم المستشفيات و المحاكم والنيابات تشوف حد مشهور عرفني بس وليك الحلاوة بس وكله بقي كتب وألف علي مزاجه”.
وتابع: “ليه بقي تحديدًا الاتنين دول واقفين جمبها بجد عشان دول عشرة العمر نعرف بعض من قبل ما حد فيهم يبقي معروف من زمااااان عشره وستر وغطا وحاجات كتير اوى اي حد تاني بقي كله بيتاجر بيها الناس دي بقي دلوقتي هتزعل مني جدًا عشان مكنوش عايزين حد يعرف اي حاجة عشان ميتفهموش غلط”.
شقيق شيرين عبد الوهاب: أهل الشر عاملين حملات ممولة لتشويه صورة من يساعدها
واختتم شقيق شيرين حديثه قائلًا: “بس اللي حصل من اهل الشر ايه علي الناس دي حمله مموله علي كل المنصات مدفوعه ان الناس دي وحشه مينفعش دول يبقي جمبها دي كل الحكايه اي حاجه بره الكلام ده أقسم بالله هري”.