طليقها والمحامي والطباخ.. شقيق شيرين عبدالوهاب يكشف أسرار أزمتها وأسباب مقاطعة والدتها
كشف شقيق شيرين عبد الوهاب عن تفاصيل جديدة تتعلق بشقيقته، مؤكدًا أن ٩٠ ٪ من الأخبار المتداولة عن شقيقته مغلوطة وغير صحيحة، وجميع البرامج والمداخلات الهاتفية اتي تذاع خلالها هدفها المتاجرة بها، بحسب وصفه في منشوره عبر حسابه الشخصي بموقع التواصل الاجتماعي الأشهر “فيس بوك”.
شقيق شيرين عبد الوهاب: محدش ساعدها غير اتنين أحمد سعد وزينة ومحمود الليثي كان كل يوم عندها
وكتب شقيق شيرين عبد الوهاب: “اقسم بالله العظيم ٩٠ ٪ من الاخبار مغلوطه وغير صحيح تماما والناس اللي بتاجر بيها في البرامج والمداخلات ولا في مجموعة فنانين اتحدوا وكل الهري ده كله غلط دي ناس عايزة لقطة ورتش مش اكتر .. محدش ساعد غير اتنين أحمد سعد وزينه بس ومحمود الليثي كان كل يوم عندها".
كما أشار إلى سبب بعده هو ووالدته عن شقيقته قائلًا: “احنا بقي بعيد ليه عشان اللي انته شايفينه ده حيتها عباره عن حرب احنا لما ادخلنا في ٢٢ من اربع سنين اتقال علينا ايه اننا نهبنها ومستفدين وناس وحشين طيب ماشي نجحوا انهم يبوظو علاجها مين بقي دول طليقها والمحامي بتاعها و ساره الطباخ واربعين صحفي تحت المستشفى تمام بعدنا ونجحوا في ان علاجها يبوظ حلو بعد اربع سنين”.
وتابع: “ناس تانيه غيرنا اهم فنانين ومعروفين وملهمش مصلحه اللي بيدور معاهم جابوا كل تاريخهم القديم و دول كذا وكذا وازاي دول اللي يعالجوها مين بقي اللي ليه مصلحه يطلع يشوه الناس دي زي ما شوهنا من قبلهم واللي طالع يقول مش صح انها تروح بيت صحبها كله بيتاجر عرفت منين خضرتك انها راحت عندها ومتاكد اوى”.