محمد عبد الجليل : أداء منتخب مصر أمام زيمبابوي ليس مرضيًا
تحدث محمد عبد الجليل نجم الكرة المصرية السابق، على فوز منتخب مصر على زيمبابوي في بطولة كأس أمم إفريقيا
وقال عبد الجليل في تصريحات مع سهام صالح لبرنامج الكلاسيكو على قناة اون: الناس قاعده لحسام حسن ومستنياله على غلطه، وفيه ناس بين الشوطين كانوا بيقطعوا
واضاف: الاداء مش افضل حاجه لكن عرفنا نكسب، الصحف كلها اشادت بينا، اول مره اشوف اللاعيبة تضيع الكورة في السما ده
وتابع: اللاعيب بيخلص الماتش وبيفتح فونه يشوف الناس في السوشيال يقول ايه، احنا مش اقوياء اوي ومش ضعاف اوي
وأردف: الناس عاوزه صلاح يكون ساحر اما جول لاما يصنع جول، صلاح مفيش كورة بتطلع من رجله غلط
واكمل: اتفاجئت بتواجد امام عاشور في التشكيل الاساسي لانه راجع من اصابة كبيرة اوي، امام عاشور وهو في التدريب بيبقى مغري وبيبين انه احسن حاجه عشان كده لعب
واختتم: عجبني رد فعل امام عاشور بعد تبديله وكبر ونضج.. انا حسيته من استلامه انه مش قادر، وجلوس مصطفى محمد برضو عليها علامات استفهام