قبل ما تموت بدقيقة.. آخر ظهور للطفلة أيسل ضحية الإعتداء بحمام السباحة (فيديو)
نشرت والدة الطفلة أيسل عمرو مجموعة صور جديدة ومقطع فيديو يوثق آخر ظهور لابنتها داخل حمام السباحة قبل واقعة الإعتداء عليها التي أودت بحياتها وفقدتها على إثرها، وذلك عبر صفحتها الرسمية على موقع التواصل الإجتماعي الأشهر “فيس بوك”.
والدة الطفلة أيسل تنشر آخر فيديو لها قبل وفاتها بدقيقة
شاركت والدة الطفلة أيسل ضحية الإعتداء بحمام السباحة مقاطع فيديو لها من داخل حمام السباحة تحت عنوان “قبل ما تموت بدقيقة حرفيًا”، وأرفقته برسالة مؤثرة طويلة حيث وجهت الشكر لكل من ساعدها في القصاص لحق ابنتها.
وكتبت والدة الطفلة أيسل: “شكرا لربنا انه سخر عباده جمعيا لرد حق بنتى وشكرا لربنا ع كل نعمه وشكرا لكل الناس حرفيا يعنى مش عارفه اوصف احساسى ع بنتى بس أنا راضيه بقضاء ربنا وقدره واكيد ربنا عنده حكمه الحمدلله ع كل الاحوال”.
وأضافت: “وأنا ع يقين بالله حقها هيترد دنيا وآخره حبيت اوضح صوره هدفى من نشر قضيه ايسل هى حبيبتى الجميله دايما كان كل تفكيرها مساعده الناس وانا لما شوفت بوست الاطفال ف المدرسه الانترناشونال انها كانت تابعه لنفس مدرسه المgرm اللى دمر حياتنا حزنت عشان الاطفال واهاليهم”.
لمشاهدة الفيديوهات والصور اضغط هنـــــــــــــا
وتابعت: “ففكرت اساعد مع الناس بقضيتها وانا كنت رافضه انشر القضيه من البدايه لانه محبوس من اول يوم والقانون واضح بالفصل ف الحكم كان ف نيتى انشرها بعد ما تخلص لان لسه ف جوانب ف الق-ضيه لسه مش خلصت ف نشرت القضيه عشان دى الطريقه الوحيده اللى ممكن صوتى يوصل لسياده الرئيس عبدالفتاح السيسي حتى لو مجرد تفكير ف عرض مذكره بعدد الجرائم اللى زى قضيه ايسل ع لجنه القانون الدولى وسيادته يشوف الرد وانا ع يقين تام لو مفيش قانون دولى ف جزئيه الأحكام كان هيطبق الإعدام لان كل الناس اللى ردو حق ايسل حتى لو أنا غير راضيه ع الحكم هما ظباط الشرطه ووكلاء النيابه وف شخص أنا نفسى افضل اقوله شكرا لآخر العمر الأمين العام للمجلس الأعلى للقضاء شكرا ع إنسانيه حضرتك وشكرا لوكيل النيابه اللى فضل واقف قدام المشرحه هو ظابط الشرطه”.
وواصلت: “اكتر من ساعه وهما مصممين الدكتور يشوفها وكل جهه ساعدتنى وكان عندهم إنسانيه معايا أنا وبنتى سواء نائب عام او نوابه او محامى اول اسماعيليه او محامى عام السويس كل الناس شكرا لان حرفيا أنا لواخدت بنتى ومشيت ومدخلتش المشرحه ولا كان ف حاجه هتتعرف نفسى اذكر اسم كل شخصيه فيهم وكل القضاه اللى عندهم رحمه وإنسانيه شكرا وانا عارفه انها قوانين دوله ولازم نلتزم بيها بس نفسى حضراتكو يبقى ف حصر للقضايا ف اسر بتتدمر حرفيا اتمنى صوتى وصوت كل الناس المقهوره ع ولادها صوتنا يوصل وشكرا لكل الناس ف الشعب المصرى انهم بيحاولو يوصلو صوتنا وربنا يحفظ اولادكم جميعا”.
واختتمت منشورها: “شكرا للمحامى دكتور حسام لطفى لوجود حضرتك معايا لرد حق بنتى … دى فديوهات ايسل قبل ماتmوت بدقيقه حرفيا واللى في الشاليه كان قبلها بشويه”.
