محمد صلاح: بعض اللاعبين وأنا صغير كانوا بيتريقوا على لبسي ويقولولي يا فلاح
أكد محمد صلاح قائد منتخب مصر وليفربول، أن هدفه منذ أن بدأ مشوار كرة القدم عدم افتعال أي مشكلة مع أي مدرب، واستعان بفيديوهات مصطفى محمود ومصطفى الفقي في مشواره بالخارج.
وقال محمد صلاح خلال حواره مع الدكتور مجدى يعقوب على قناة أون سبورت: كل همى كان ألعب كورة مكانش فيه أي حاجة تانى كدة، وكان كل همى أنى معملش مشكلة مع المدرب وأى زعل كان بيزعلنى كنت أخش الحمام وأعيط، وكان بعض اللاعبين بيتريقوا على لبسي ويقولولي يا فلاح أرجع أعيط، وهدفى مكنتش حابب أعمل مشاكل.
تحديات كبيرة واجهتنى أول ما سافرت
وأضاف قائد منتخب مصر: تحديات كبيرة واجهتنى أول ما سافرت.. التأقلم مع الحياة الجديدة هناك، كل حاجة هناك عكس ما نعيش.. هناك بيناموا بدرى جدا ويصحوا بدرى.. لكن هنا بنام 6 و7 الصبح ونصحى متأخر جدا، فكان لازم أتغير.
وتابع محمد صلاح: كنت محتاج أتعلم اللغة وأغير من عقليتى.. لذلك فضلت اتابع الدكتور مصطفى محمود والدكتور إبراهيم الفقى، وبدأت أشوف فيديوهات لهم علشان أغير من عقليتى وانجح واستطيع تجاوز العقبات اللى بتقابلنى.