نور النبوي يوجه رسالة مؤثرة لوالده في ندوة مهرجان القاهرة.. وخالد يرد: "استمتعت بلقائك على الشاشة"
شهدت ندوة النجم خالد النبوي ضمن فعاليات مهرجان القاهرة السينمائي الدولي لحظة مؤثرة بعد مداخلة نجله الفنان نور النبوي، الذي حرص على توجيه كلمة صادقة لوالده أمام الحضور.
وقال نور: "حابب أشكر أستاذ خالد لأنه لبس النظارة اللي أنا جبتهاله.. أنا اتعلمت منه حاجات كتير، بس ما اتعلمتش منه إزاي أمثل… اتعلمت منه إزاي أعيش.. هو دلوقتي أيقونة كبيرة، وزمان كان عنده طموح أكبر بكتير من اسمه، والناس مكنتش متقبلة منه ده. لكنه قدر يطور من نفسه كل يوم، وده اللي بتعلمه منه كل يوم".
وأضاف أن أكثر ما يعجبه في والده هو تركيزه الدائم على الأفكار والعمل وليس الأشخاص، قائلاً: "أحلى حاجة فيه إنه دايمًا بيتكلم على أفكار كبيرة وشغل.. عمره ما اتكلم على أشخاص".
ورد خالد النبوي على كلماته بحفاوة واضحة، معبّرًا عن فخره بما يقدمه نجله، قائلاً: "يا نور يا نبوي… أنا استمتعت بلقائك على الشاشة جدًا جدًا".. وقد لاقت اللحظة تفاعلاً كبيرًا من الحضور.
