عتمة وضل

من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع..
هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.

"سمية عبدالمنعم"

لما بتتكلم مع نفسك
مين فيكو بيسمع للتانى؟
كنت انت اللي بتمسك نفسك؟
ولا انت اللي بتبقى أناني؟
لما بتتصاب بضباب الرؤية
فـ أحلامك 
مين بيعاني؟ 
الصوت اللي بيصرخ جواك
مين فيكو اللي بيسمع معناه؟
مين فيكو بيجري وخوفه وراه؟
إحساس بالخوف وهوس ملهوف
بيطوف جواك 
طب جرب طبطب على كتفك
طب قرب واتملى ف صورتك
هتشوف أشباح؟ 
ولا هترتاح
وهتعرف مين فيكو اتكتف
أو مين سواح
هو انتو اتنين؟ 
من فضلك حاول تتأكد
رايحين على فين