عبد الله رشدي يلمح للسبب الحقيقي وراء رفضه طلاق أمنية حجازي (تفاصيل)
خرج عبد الله رشدي بتصريح جديد تعليقًا على أزمة زواجه الأخير من البلوجر أمنية السيد حجازي، وذلك خلال منشور عبر حسابه الشخصي بموقع التواصل الإجتماعي الأشهر “فيس بوك”.
هل المهر سبب رفض عبد الله رشدي إثبات طلاقه لأمنية حجازي؟
كتب عبد الله رشدي: “مهم: لو الزوج قال لمراته أنت طالق..يعني هو اللي طلقها .. ركز هنا..هو اللي طلقها.. يعني هي ما قالت له طلقني وخد حاجتك.. حلو كدا؟ الزوج طلق من لنفسه حتى لو كانت سيئة معاه..دا ملوش تأثير برضو في الحكم”.
وأضاف: "هنا هتاخد الزوجة المهر كاملاً .. اللي هو إيه؟ اللي هو الشبكة والنقود اللي لو كان فيه فلوس اندفعت والمؤخر كمان .. كل دول اسمهم "المهر" .
وواصل: “طيب الزوج طلقها وبعدين مش عايز يُثبت الطلاق إلا لما تتنازل له عن المهر؟ نسأل تاني نفس السؤال: هي قالت لك طلقني وأنا مش عايزة حاجة فأنت قلتها أنت طالق على كدا؟ لا..هي مزعجة وأنا طلقتها”.
وأردف: “تمام.. يبقى حقوقها واجبة عليك وتروحوا عند المأذون وتوقعوا على الطلاق وملكش الحق تجبرها على إرجاع أي شيء لك من المهر..دا شرع ربنا”.
واختتم حديثه قائلًا: “طيب لو هي قالت له طلقني وخد حاجتك فطلقها على كدا؟ هنا ترجع له المهر اللي شرحناه فوق .. وبالنسبة للقايمة فلها منشور تاني إن شاء الله".