مروة عبدالجواد: من يهاجمون إنجازات مصر "نسخة مكرّرة".. والإعلام المأجور يفشل في تشويه الصورة (فيديو)

وجهت الدكتورة مروة عبدالجواد، رسالة حادة إلى من وصفتهم بـ"المشككين في إنجازات الدولة المصرية"، مؤكدة أن حملات الهجوم والتشكيك لم تعد مجدية في ظل ما يشهده العالم من إشادة واسعة بمكانة مصر وإنجازاتها، قائلًا: "لما يطلع واحد عايز يشوه الجمال اللي بيحصل وسط ملايين بيفخروا ببلدهم، محدش هيشوفه ولا يسمعه".

الدكتورة مروة عبدالجواد: مصر استعادت هيبتها والعالم كله بيصفق للرئيس السيسي

وأضافت "عبدالجواد"، خلال تقديم برنامج "حوار الساعة"، عبر شاشة "هي": "بصراحة، الناس اللي لسه بتتكلم بنفس الطريقة دي بقوا نسخة مكررة، والناس بقت بتتريق عليهم، شوفوا تعليقات المصريين على السوشيال ميديا، والفيديوهات اللي بتتكلم عن نفسها وبتتعرض في وكالات إعلام أوروبية وعالمية".

وتابعت عبدالجواد قائلة: "عايزة أفكركم بفترة حكم الإخوان في 2013، اللي كانت من أسوأ الفترات في تاريخ مصر، وقتها كنا فعلاً مكسوفين نقول إننا مصريين، لكن الرئيس عبدالفتاح السيسي بحكمته وسياسته أعاد لمصر هيبتها ومكانتها"، موضحة أن مشاهد التصفيق والاحترام التي حظي بها الرئيس السيسي في المحافل الدولية "تعكس عودة هيبة مصر على الساحة العالمية".

وطالبت المصريين بالحفاظ على هذه المكانة، قائلة: "مش أي رئيس بيرفع من شأن وهيبة دولته بالشكل ده، والرئيس السيسي لما بيتكلم، الكل بيصمت وبيسمع"، مضيفة: "بدل ما نركز على الأخبار السلبية، شاركوا الفيديوهات اللي بتظهر إنجازات بلدكم، لأن الإعلام المأجور اللي بيحاول يشوه صورة مصر مش لاقي حاجة يقولها دلوقتي".