"أمي اتشتمت بسببي".. باسم يوسف يكشف عن أسوأ قرار بحياته وعلاقته بوالدته (تفاصيل)
تطرّق باسم يوسف خلال لقائه الثاني مع الإعلامي أحمد سالم ببرنامج كلمة أخيرة، إلى الجانب الشخصي من تجربته، متجدثًا عن المواقف الصعبة التي عاشتها والدته بسبب نشاطه الإعلامي على مواقع التواصل الاجتماعي.
باسم يوسف: أمي كانت بتتشتم وهي في بيتها بسببي
وقال باسم يوسف: “أمي كانت بتتشتم وهي في بيتها لمجرد إنها أم لواحد بيعمل محتوى على اليوتيوب، معرفتش تستمتع بالبرنامج بتاعي”.
وأضاف مازحًا: “أمي قالتلي علّمني على اليوتيوب عشان أشوف الفيديوهات بتاعتك، وده كان أسوأ قرار خدته في حياتي .. الست شافت ناس وهي بتشتمها لمجرد إني ابنها”.
في الوقت نفسه، كشف الإعلامي باسم يوسف عن شعوره بعد تلقيه ردود أفعال الجمهور على حلقته الأولى ببرنامج كلمة أخيرة، التي عُرضت الأسبوع الماضي، وذلك خلال اللقاء الثاني من حواره مع الإعلامي أحمد سالم عبر شاشة ON.
باسم يوسف يستنكر ردود أفعال الجمهور على حلقته الأولى
قال باسم يوسف: ”كنت متوقع يكون فيه ردود أفعال مختلفة، لكن أكتر حاجة مش هقول ضحكتني، هقول استغربتها، يقولك إيه ده! ده مش باسم، باسم اتغير مش زي ما هو.. معلش يعني كلنا أخبارنا إيه؟.. 11 سنة عدت على الناس كلها والناس هتفضل زي ما هي!".
باسم يوسف: أيوة أنا معدتش باسم بتاع 2011
وتابع: "أيوة أنا معدتش باسم بتاع 2011، أنا واحد عنده 51 سنة، عندي حياة مختلفة وظروف مختلفة وأفكار مختلفة ومستمتع إني بتغير وبتعلم حاجات كتير .. مصر نفسها بتتغير والظروف والأحاسيس بتتغير”.