مرتضى منصور يتحدى مجلس الزمالك "طلعوا مستندات الديون"
رد المستشار مرتضى منصور رئيس نادي الزمالك السابق عن ما ذكره مجلس إدارة نادي الزمالك برئاسة حسين لبيب عن أنهم تسلموا النادى مريض وعليه مديونية 8 مليارات جنيه قاموا بسدادهم ! واجاب بقول “لو فيه راجل في هذه اللجنة يفنط بنود هذه المديونية علشان يتفضحوا أنا تارك النادي والسيد وزير المالية في مؤتمر صحفي أعلن نادي الزمالك أول نادي دون مديونية. ولو عندهم راجل ينشر خطابات مصلحة الضرايب المرسلة إلي لجنة لبيب قبل عودتي كلها بتاريخ قبل عودتي إلي النادي وأثناء فترة لجنتهم حوالي مليار . لو رجالة انشروا الخطابات بتواريخها بأرقام المبالغ المستحقة في عهدكم أضاف قائلا ”التأمينات كان لها مديونية قديمة من أيام عباس وكانت حاجزة علي أموال النادي سددت 42 مليونًا ورفعت الحجز لو رجالة انشروا خطاب رفع الحجز وتاريخه.
الأوقاف كل مديونيتها 17 مليون جنيه من أيام عباس.
أتحدي أن يكون لاعب أو مدرب مصري أو أجنبي ليه سنت أو جنيه كله مسدد حتي اللاعبين والمدربين أيام عباس سددنا 400 مليون جنيه حتي اجوجو.
فين بقي ال8 مليارات لو عندكم راجل يطلع يفنطهم.
أما غرامات اللاعبين اللي كانوا أيامي بالرغم أن خالد بوطيب محاميكم تواطأ مارحش الجلسات ولم يقدم المستندات لتبرئة الزمالك خلاص ياعم احسب الغرامة علية واخصمهم من ال200 مليون اللي تبرعت بيهم للنادي غرامتة 90 مليون جنية فنطلي بقي ال2 مليار اللي بتدعي انهم غرامات علي لاعبين ومدربين في عهدي وكلهم لاعيبة ومدربين انت اللي طاردهم.
أما أنا سايب كام خد عندك :
100 مليون جنيه عباس كان حاجزًا عليهم في البنك .
200 مليون جنيه غرامة كهربا
600 مليون جنيه حصيلة بيع زيزو للنادي السعودي
120 مليون فلوس الشركة الراعية
80 مليون جنية فلوس البث الفضائي
140 مليون حصيلة الاشتراكات
57 مليون حصيلة تأجير 4 محلات لمحمد نور
53 مليون مكافأة للفريق من الاتحاد الأفريقي أرسلهم للاتحاد المصري
وغيرهم الذاكرة لاتسعفني
مع حوالي 42 بطولة
دا الزمالك المريض وكنت سايب كمان
500 ألف دولار باقي صفقة بيع مصطفى فتحي
160 ألف دولار غرامة النقاز
120 ألف دولار نسبة مشاركة الجزيري في كأس العالم
وجميع فرق العاب الصالات كان مسدد لهم 60% من جميع مستحقاتهم
وكذلك فريق كرة القدم مسدد لهم معظم مستحقاتهم إلا أقل القليل ،،
أما بالنسبة للسؤال التاني هل السيد الوزير حضر لزيارتك ليقنع بالتنازل عن بلاغات عن هذه اللجنة الملعوبة
ابتسمت من سذاجة السؤال وكان ردي قاطعا أقسم بالله السيد الوزير لم يتطرق لهذا الموضوع مطلقا.