المشكلة في بدل الرقص.. تعليق صادم من مديحة حمدي على مدرسة دينا لتعليم الرقص
كشفت الفنانة مديحة حمدي عن رأيها في الانتقادات التي لاحقت الراقصة دينا بعد افتتاحها أكاديمية لتعليم الرقص الشرقي في مصر.
مديحة حمدي تكشف عن رأيها في افتتاح دينا أكاديمية لتعليم الرقص الشرقي في مصر
أكدت مديحة حمدي عن الأزمة ليست في الرقص نفسه ، ولكن في نوعية بدل الرقص التي ترتديها الراقصات، حيث قالت: "المشكلة مش في الرقص نفسه ولكن في بدل الراقصات، لأن الرقص الشرقي موجود من أيام الفراعنة ومتصور على المعابد، ولكن البدل اللي بتتلبس هي المشكلة".
وتابعت: "إحنا عمرنا ما حسينا بكده مع مدام تحية كاريوكا أو مدام سامية جمال، مكنش تقليد الغرب بالشكل دا، لكن دلوقتي بقى العالم مفتوح على بعضه".
على صعيد آخر، سبق وعلّقت مديحة حمدي على الانتقادات التي طالت ظهورها الأخير خلال عزاء الفنانة الراحلة سميحة أيوب، بعد أن زعم البعض تخليها عن الحجاب وقالت: "مكنتش عارفة أقف ولا أضبط نفسي، الناس سابت الانهيار اللي كنت فيه وبيركزوا في إيه؟، علاقتي بـ سميحة أيوب من 50 سنة كانت أمي وصديقتي وصندوقي الأسود وأنا بالنسبة ليها كده، وهي مكنتش بتثق في حد غيري أنا ده عموم الناس زعلوا".
وتابعت: "عيب يا ناس بصوا لتاريخي وسلوكي والأدوار اللي أنا بعملها وأولادي وزوجي وعائلتي وأبويا اللي كان وزير، ياريت الناس يكون عندهم إنسانية".