لسه بحب أحمد مكي وزعلانة على خسارته.. مي كمال الدين تكشف كواليس جديدة عن الطلاق

 أوضحت خبيرة التجميل مي كمال الدين تفاصيل جديدة عن علاقتها بطليقها الفنان أحمد مكي ومدى ارتباطها به، وبرغم ذلك انتهت علاقتهما بالطلاق.

 صرحت مي كمال الدين، في تصريحات تلفزيونية: "أنا بحب أحمد مكي وبحترمه، رغم إننا عاملين بلوك لبعض بعد الطلاق، هو إنسان كويس وجدع، والدبلة اللي في إيدي لسه عليها اسمه ولسه باحبه وزعلانة على خسارته، واضطريت أعلن جوازنا وطلاقنا لما لقيت ناس بتشير صوري وتقول إننا هنتجوز، رغم إننا كنا فعلًا متجوزين واطلقنا، وده مكنش معلن للجمهور لأن مكي مش بيحب يتكلم عن حياته الخاصة".

 وفي جانب آخر قررت مي كمال الدين، طليقة أحمد مكي، الخروج عن صمتها والحديث عن بعض الأمور بعد أن علمت بكشف بعض الأسرار والتفاصيل بينهما، مما دفعها للتوضيح وكشف بعض الحقائق عن سبب الطلاق.

وأكدت مي كمال الدين: أنا اتقيت ربنا في نفسي وفيه:
 وكتبت عبر حسابها على موقع التواصل الاجتماعي “إنستجرام” من خلال خاصية الاستوري قائلة: في حديث “آية المنافق ثلاث إذا حدث كذب، وإذا عاهد أخلف، وإذا خاصم فجر”، والصفات دي مش هتكون فيا لو على موتي، أولًا خصوصية إيه اللي أنا محترمتهاش، هل أنا نشرت شيئًا خاصًا بیني وبین أحمد، هل أنا خرجت وشتمت أحمد.

 وأضافت مي كمال الدين موضحة: هل قلت فيه كلمة تعيب فيه زي ما البعض وأغلب الناس والمشاهير تحديدًا بيعملوا كده في وقت الخلاف؟ على فكرة الآلية سهلة والفضايح سهلة، بس مش من طبعي ولا تربيتي، أنا اتقيت ربنا في نفسي وفيه، وبعدين إيه كمية التهم اللي نازلة عليا إني اقتحمت خصوصيته وخلفت العهد، مختصر الكلام إن مفيش أي تواصل بيني وبين أحمد بعد وفاة والدته إلا بعد شهرين، وحصل خلاف كبير جدًا خلى اللي بينا يروح في حتة مكنتش متخيلاها.

وأشارت مي كمال الدين: احترمت أزمة وفاة والدته:
 وأوضحت: وقتها رضيت وسكت واحترمت أزمة وفاة والدته جدًا لأن أنا بحبها وبحترمها، الله يرحمها، طلبت منه يرد جزء من اللي بيحصلي من ناس من طرفه مكنش فيه أي رد فعل، وبعد شهور وتحديدًا يوم عيد ميلاده اكتشفت فيديو ملهوش أي لازمة إن أحمد له علاقة بحد معين، وبعدها فيديو نزل بصوري وإن أنا عروسة أحمد مكي، وحاولت التواصل وفهم ليه بيحصل كده، ونشرت قبل كده إنني منفصلة عنه، لكن المشاكل وقلة الأدب من اللي حواليه مرحمتنيش، ومسجات خاصة بينا وأمور شخصية اتعرفت عند اللي حواليه معرفش إزاي، وده صدمة كبيرة بالنسبة لي.