بطلة "لن أعيش في جلباب أبي" تعترف.. بشتغل سائق أوبر عشان أعرف أعيش (تفاصيل)
شغلت الفنانة عبير عادل نجمة مسلسل لن أعيش في جلباب أبي، حديث الجمهور بعد اعترافها الأخير الذي فاجأت به الكثيرون، وذلك أثناء حلولها ضيفة بأحد البرامج التليفزيونية.
عبير عادل تعترف: اشتغلت سائق أوبر لتوفير متطلبات الحياة
صرحت عبير عادل بأنها تعمل كسائق سيارة أوبر، حتى توفر متلطبات الحياة، بسبب قلة الأعمال الفنية المعروضة عليها، حيث كان آخر دور بعمل فنى قد عرض عليها كان منذ 7 سنوات.
عبير عادل: آخر عمل فني اتعرض عليا كان من 7 سنين
وقالت عبير عادل: "بقالي 7 سنين غايبة عن الفن ومش بإرادتي السوق عرض وطلب مش بطلب، في الفن تتوقع أي حاجة لأن هي لعبة أنتي مش عارفة الدور بتاعك هيخلص أمتى بتبقى حاجة مؤثرة طبعا في اللي بيحب اللعبة دي لما بيطلع برا الملعب بتاعة أكيد زعلانة ونفسي أنزل اشتغل تاني لكن وجدت البدائل عشان الحياة تستمر".
عبير عادل تكشف تفاصيل عملها سائقة أوبر
وعن بداية عملها كسائقة قالت عبير: "لما لقيت الفترة طولت والاحتياجات والمتطلبات بتزيد دا طبيعي كان لازم أدور على بديل، في أول يوم وأنا بشتغل كنت خايفة لأن كل شغلانة ليها تفاصيلها وأدواتها ومكنتش عارفة أي حاجة بس اتعودت وبقيت عارفة، أول راكب كانت واحدة ست ووديتها منطقة كانت شعبية وبعد ما نزلت مبقتش عارفة أطلع من المنطقة إزاي وبقيت اسأل الناس وبعدها جالي طلب تاني من ست كانت لطيفة، الأولانة مرضيتش تقعد جنبي وقعدت ورا ومكنتش بتتكلم معايا وأنا أصلا مخضوضة وتجربة جديدة وهي زودتلي التوتر، التانية كانت ست لذيذة وقعدت تتكلم معايا ووصلتها المشوار بتاعها معرفتنيش لأنها مكانتش مصرية".
من هي عبير عادل؟
اشتهرت عبير عادل خلال فترة الثمانينات والتسعينيات ومن أشهر أعمالها مسلسل "لن أعيش في جلباب أبي" بطولة النجمين نور الشريف وعبلة كامل، وقدمت عبير عادل دور ابنة الوزير رشوان توفيق، وشقيقة ياسر جلال.
مسلسل لن أعيش في جلباب أبي
مسلسل "لن أعيش في جلباب أبي"، عرض لأول مرة سنة 1996، وضم نخبة مميزة من نجوم الفن وهم نور الشرف، وعبلة كامل، وعبد الرحمن أبو زهرة، ومصطفى متولي، ومحمد رياض، ووفاء صادق، ونهلة سلامة، وحنان ترك، وأحمد سلامة، وناهد رشدي، وكوثر العسال وغيرهم، وهو من إخراج أحمد توفيق، عن رواية للكاتب إحسان عبد القدوس، سيناريو وحوار مصطفى محرم.
