"كنا جوا مغارة مهجورة في قنا".. محمد مهران يحسم جدل الرعب في كواليس "المداح"
كشف الفنان محمد مهران عن أكثر ميزة تجذبه لمهنة التمثيل، لافتًا أن المذاكرة بالنسبة له شيء ممتع، وذلك خلال استضافته في بودكاست “وفيها إيه” على منصة ستوري بالعربي.
محمد مهران: أحلى حاجة بحبها في المهنة بتاعتنا المذاكرة
وقال محمد مهران: “أحلى حاجة بحبها في المهنة بتاعتنا المذاكرة، شيء ممتع وأوقات تفضل تذاكر تذاكر تذاكر وتلاقي اللي أنت استخدمته من المذاكرة دي نسبة مش كبيرة أوقات ساعات بتحصل، بس رحلة المذاكرة والبحث في العالم ده وإنك تعرف الناس دي بتتكلم إزاي أو الشخصية اللي أنت بتعملها، دي رحلة ممتعة”.
أما عن مشاركته في الموسم نفسه بمسلسل المداح الجزء الخامس، علق مهران قائلًا: “التعاون مع حمادة هلال وكل فريق مسلسل المداح جميل، بتحس إنك داخل وسط عيلة”.
كما حسم محمد مهران التساؤلات وجدل تعرضه لأي مواقف مرعبة في كواليس مسلسل المداح، قائلًا: “مسلسل عادي زي أي مسلسل مريت به مفيش أي موقف معايا بشكل شخصي حصل فيه حاجة غريبة أقدر أذكرها".
وأردف: "بالعكس حتى كنا بنصور داخل مغارة شبه مهجورة جوه الجبل في قنا في الجزء الثالث، وأنا في العادي مش بخاف من الكلام والحاجات دي عمومًا”.
