بعد قليل.. الحكم على البلوجر فادي تاتو بتهمة نشر الفسق والفجور
تصدر المحكمة الاقتصادية اليوم الأربعاء، حكمها على البلوجر فادي تاتو في قضية التحريض على الفسق والفجور، وإساءة استعمال مواقع التواصل الاجتماعي، والتعدي على القيم الأسرية المصرية.
محاكمة البلوجر فادي تاتو بتهمة نشر الفسق والفجور
وواجهت جهات التحقيق المتهم بالتهم المنسوبة إليه، فأنكر ارتكابها، مؤكدًا أن الصور والفيديوهات التي ينشرها عبر حساباته هدفها عرض عمله: أنا فعلا بنشر صور على صفحتي بس ده شغل ليا، مش قاصد أنشر صور عريانة، الهدف كان الناس تشوف شغلي.
وأضاف المتهم أمام جهات التحقيق: “حساباتي على فيسبوك وإنستجرام وتيك توك موجودة من قبل ما أشتغل في مجال التاتو، وبدأت أنشر عليها أعمالي بعد دخولي في المجال، وشغال رسام تاتو من 4 سنين وفي البداية كنت شغال مع واحد وبعدها أجرت محل من حوالي 5 شهور في شارع علي الصعيدي المتفرع من الترعة البولاقية بشبرا مصر بإيجار شهري 2000 جنيه، وكنت وما زالت في مرحلة استخراج التصاريح”.
وتابع المتهم: دخلي الشهري حوالي 4000 جنيه، ومصاريفي 2000 جنيه، ومعايا موتوسيكل وده كل ممتلكاتي، ومعايا حساب في البريد فرع شبرا فيه 100 ألف جنيه ووالدتي هي اللي حطاهم ومعايا محفظة إلكترونية، وحساباتي عليها آلاف المتابعين على السوشيال ميديا، والمتابعين مش حقيقيين، فيه ناس بتشتري متابعين.
