ريهام سعيد تؤكد تمسكها بحقها في قضية “كروان مشاكل” وتنفي التنازل
أشارت الإعلامية ريهام سعيد، في فيديو نشرته على حسابها بموقع التواصل الاجتماعي فيسبوك،إلى تفاصيل القضية المرفوعة ضد التيك توكر المعروف باسم كروان مشاكل، مؤكدة أن موقفها ثابت ونافية ما تردد عن تنازلها.
وذكرت ريهام سعيد خلال بث مباشر على فيسبوك: “كروان مشاكل قال عني كلامًا مهينًا، اتكلم عني وقال إني بتنقل من راجل لراجل، والكلام ده كله اتقال لي بقصد الإهانة وأنا متأكدة إنه متملي وموجه من حد قاصد يوجعني، وبعدها طلع يعتذر ويقول لي: أنا زي ابنك بس أولادي أكبر منه فعلًا".
وأضافت الإعلامية: “كان فاكر إني هتضايق ووالده بيقول عليا حجة، معنديش مشكلة، أنا 50 سنة، ومع ذلك هو ما احترمش ده أنا مش هاقبل إن حد يتطاول علي بالشكل ده، ولو اتنازلت عن القضية يبقى كأني بتنازل عن كرامتي وسمعتي".
واستطردت ريهام سعيد قائلة: “مؤمنة إن ربنا شايف ومطلع، وفي حاجة اسمها العفو عند المقدرة استشرت شيخ قالي كده، فأنا قررت أصلي استخارة وأشوف ربنا هيوجهني لإيه، لو لقيت في التنازل خير، هاعمله، بس لو اتنازلت معناه إني اتنازلت عن كرامتي، أنا لحد دلوقتي مش متنازلة.