المتجنس والمعزول.. حرب تصريحات بين مرتضى منصور وعمرو أديب تنتهي بـ40 بلاغ للنائب العام (التفاصيل كاملة)
حرب كلامية شرسة اندلعت بين مرتضى منصور وعمرو أديب، من خلال تبادل الإتهامات الفاضحة والتراشق بالألفاظ، بعدما اتهم أديب رئيس نادي الزمالك السابق، بوقوفه خلف البلاغات التي عطّلت مشروع أرض السادس من أكتوبر، والتي وصفها بأنها "روح الزمالك وأمل النادي ومستقبله"، وذلك خلال تقديمه حلقة برنامجه "الحكاية" المذاع عبر قناة MBC مصر.
حرب كلامية بين مرتضى منصور وعمرو أديب
لم تكن الحرب التي اشتعلت بين مرتضى وأديب وليدة اللحظة، كل ما حدث أن كلاهما انتهز الفرصة ليعيد للأذهان والساحة الإعلامية معاركهما القديمة والتي وصلت في وقت سابق إلى ساحات المحاكم.
بدأت الحرب الحالية حينما شن عمرو أديب هجومًا عنيفًا على مرتضى منصور بعد سحب أرض النادي بمدينة 6 أكتوبر حيث قال: "أي حد ممكن يقول قطعة أرض.. خدوا أي حتة أرض.. لكن الأرض دي بالتحديد مر عليها سنين وسنين ومجالس إدارة ما عملتش فيها حاجة، لا استثمار ولا بناء ولا تطوير"، مؤكدًا أن المجلس الحالي للنادي "مجلس إصلاح"، ورث "تركة سيئة جداً مليانة فساد وديون ومشاكل"، مشيرًا إلى أنه يحاول أن "يشم نفسه ويقف على رجليه".
وأضاف: "لازم تعرفوا إن اللي عمل البلاغ ده في أرض الزمالك هو المعزول مرتضى منصور.. ده راجل غِل وحقد.. بيقولك أنا والنادي وعيالي.. أنت وعيالك خربتوا النادي يا مرتضى، وهتتسجن ونهايتك هتبقى نفس مصير المعزول مرسي".
وأضاف: "أنا من 20 سنة قلت له ما بخافش منك.. وما حدش لازم يخاف منه، هو خان النادي وخان الجمهور وحط سكينة في ضهر الزمالك علشان يوقف الأرض ويبوّظ المشروع"، متابعًا: "مرتضى منصور مش مجرد شخص.. هو فكرة غلط لازم تموت، ودا النادي في ستين داهية وميساويش حتى الورقة اللي هو كتبها، مُردفًا: "اللي بيقف ضد أرض أكتوبر بيقف ضد ملايين من جمهور الزمالك وضد مؤسسة وطنية كبيرة اتأسست من سنة 1911".
وتساءل أديب مستنكرًا: "هو مرتضى منصور أقوى من نادي الزمالك؟ النادي ده عايز يعيش، عايز يتقدم، بيسدد الديون اللي عملها هو وعياله"، مشددًا على أن الزمالك ليس ملكًا لأشخاص وإنما "نادي اجتماعي ورياضي مملوك للدولة وبيربي أجيال وليه جماهير ومشجعين".
كما وجه رسالة إلى الدولة قائلاً: "يا جماعة قفوا جنبنا.. أنا مرفق من مرافق الدولة.. أنا مش بطلب حاجة صعبة.. الحكمة فوق العدل.. بصوا للحكاية بعين تانية، ادوا النادي فرصة يتنفس"،
وأشاد أديب بنتائج اجتماعه مع وزير الإسكان قائلاً: "كنت سعيد لما عرفت إن الاجتماع كان إيجابي.. خد كل ضماناتك وحط الضوابط، لكن سيبوا الناس تشتغل".
وختم الإعلامي حديثه برسالة مباشرة إلى جمهور الزمالك وإلى المسؤولين: "نادي الزمالك محتاج الأرض.. أرض أكتوبر هي روح الزمالك، هي حلم ملايين.. واللي بيقف ضد ده بيقف ضد مؤسسة مصرية عريقة.. مرتضى منصور لازم ينتهي.. والزمالك هو اللي هيعيش"، كما ناشد الرئيس السيسي قائلًا: "سيادة الرئيس أنا مُفوض من مجلس إدارة الزمالك ومن جماهير بالملايين تتمنى نظرة من سيادتك، وننقذ قطعة أرض هي حلم من سنين من 2003 محدش قدر يحط طوبة إنهاردة الحلم ممكن يبقى حقيقي".
وأكمل: "بلاش ندي فرصة لمدعي الجعجعة وقلة الأدب اللي ميساويش مليم أبيض أنه يحقق غرضه ويدمر النادي عشان اتعزل، ومحدش يخاف ولا مسؤول ولا اعلامي ولا جمهور ده مبيخوفش حد ده معزول ميستاهلش الورق اللي بيكتب عليه".
من جانبه، ثار مرتضى منصور غاضبًا في وجه تصريحات واتهامات عمرو أديب، ليفتح النار عليه بسيل من التصريحات الصادمة حيث قال: "ورحمة محمود محي الدين وغلاوته لأحبسك يا متجنس واقفلك قناتك وليك هدية أوفر مني فاكر لما طلعت تعيط في برنامجك وتقول مرتضى ضربني".
كما تقدم المستشار مرتضى منصور ببلاغات عدة إلى النائب العام المستشار محمد شوقي، ضد عمرو أديب، على خلفية الهجوم الذى شنه عليه، بعد تبادل الطرفان الإتهامات المشينة والتراشق بالألفاظ عبر مواقع التواصل الاجتماعي.
مرتضى منصور يتقدم بـ 40 بلاغ للنائب العام ضد عمرو أديب وحسين لبيب
في الوقت نفسه، أعلن عن تقدمه بـ 40 بلاغ للنائب العام ضد حسين لبيب الرئيس الحالي للزمالك والإعلامي عمرو أديب، مشيرًا إلى أنه تم تصوير مقطع فيديو للرد على حديث عمرو أديب وحسين لبيب، وسيتم إذاعته على 5 أجزاء، وذلك خلال منشور عبر حسابه الشخصي بموقع التواصل الإجتماعي “فيس بوك”.
جاء بلاغ مرتضى منصور بعد آخر تغريدة كتبها عمرو أديب ظهر اليوم عبر حسابه الشخصي بمنصة "إكس" حيث قال: طقمت بدرى قلت اشوف الإثباتات والسي دي هات لقيت نفس الكلام الخايب ، شتيمه وفبركه وقله ادب ، خلاص فلست يامورتا وعجزت ومبقتش تخوف حد".
وأضاف: "دلوقتى احنا بقى اللى حنطلع سي دي هاتك ومصايبك انت وعيالك . الزمالك خلاص طالع وانت نازل ومن هنا ورايح لو مفيش اثباتات فيه نيابات فيه كلبشات فاكرها طبعا .. انا قاعد مستنى العقد بتاع نيو جيزه كان نفسي يبقى عندى حاجه هناك"، ما أثار استفزاز مرتضى منصور ودفعه لتقديم بلاغ عاجل ضده.
