"عايز عداد المياه اللي شيلتوه".. توفيق عبدالحميد يستغيث بالمسؤولين (ما القصة؟)
وجه الفنان القدير توفيق عبدالحميد استغاثة عاجلة للمسؤولين، وعلى رأسهم رئيس مرفق مياه المنتزه بمحافظة الأسكندرية، مطالبًا باسترجاع عداد المياه الخاص بشقته في الأسكندرية، بعدما تمت إزالته رغم التزامه بسداد الفواتير بشكل دائم على مدار سنوات، رغم عدم استخدامه الفعلي للعقار منذ ما يقرب من 15 عامًا، وجاء ذلك خلال منشور عبر حسابه الشخصي بموقع التواصل الاجتماعي الأشهر “فيس بوك”.
توفيق عبدالحميد يستغيث بالمسئولين: أنا عايز عداد المياه بتاعى اللى شلتوه ويبقى فى الشقة
وكتب توفيق عبدالحميد: “السيد رئيس مرفق مياه المنتزه.. بعد التحية.. حدث هذا فى شقتى بمحافظة الأسكندرية بالعصافرة بحرى فى شارع أطلس… دفعت فواتير المياه لفترة طويلة رغم أنها كانت باهظة وغير منطقية، وأنا كمان مكنتش بروحها لكن دفعتها وبعد شوية شالوا عداد المياه”.
توفيق عبدالحميد: دفعوني 20 ألف جنيه مخالفة استخدام مياه بشكل غير قانوني رغم إن شقتي مقفولة من 15 سنة
كما أشار توفيق عبدالحميد إلى أنه تفاجأ لاحقًا بتوقيع مخالفة عليه قيمتها 20 ألف جنيه، لاستخدامه المياه بشكل غير قانوني على الرغم من إغلاقه للشقة لسنوات طويلة، حيث قال: “وبعد شوية عملوا ليا مخالفة إنى استخدم المياه بشكل غير قانونى وحرروا ليا مخالفة بـ٢٠٠٠٠ جنيه، كل ده والشقة مقفولة لسنوات طويلة، وممكن تتأكدوا من هذا الأمر من استخدام عداد الكهرباء لأنى خاصمتها علشان كانت بتشوف البحر من كل حتة فيها”.
وأردف: “وبعد كده اختلف الأمر تمامًا وبقت كمان مجروحة وأنا كمان بقيت مريض فخاصمتها ومروحتهاش بقالى حوالى ١٥ سنة، ينفع كده يا اسكندرية ويا رئيس مرفق مياه المنتزه، أنا عايز العداد بتاعى اللى شلتوه ويبقى فى الشقة”.