طه دسوقي يعلن عن فيلمه الجديد وعلاقته بالكوميديا في عمر الـ16
يشارك الفنان طه دسوقي حالياً في تصوير فيلم جديد بعنوان "السادة الأفاضل"، حيث يقدم شخصية تدعى "جوهري"، معبراً عن أمله في أن ينال الفيلم إعجاب الجمهور.
أوضح "دسوقي" في تصريحاته ببرنامج من "إمبارح للنهارده"، تقديم همسة إمام، المذاع عبر "ميجا إف إم": "أول حفلة ليا في الاستاند آب كوميدي، كنت مع وليد المغازي وكان عنده 16 سنة وقتها، وكان عندي ٢١ سنة وكان الكلام ده في 2013".
تابع: "أنا ووليد المغازي جمعنا حبنا للضحك وإسعاد الجمهور، وبقينا أكتر من إخوات، وبسميه (سكالوزي) وهو مجتهد جدا في الشغل وكنا بندعم بعض جدا في شغل الاستاند آب كوميدي".
في سياق آخر قال طه دسوقي: "أنا ماليش أصحاب كتير من الوسط الفني، بس الصداقة في مجال الاستاند آب كوميدي بين الكوميديانات بتبقى فرصتها أفضل وأقوى، وده حصل بيني وبين معظم زملائي في هذا المجال، لأن المسرح بطبيعته بيعمل صداقة بين الفنانين، وبيقربهم من بعض جدا".
