إلهام عبد البديع: سأعتزل السوشيال ميديا
تحدثت إلهام عبد البديع عن بدايتها مع الجمهور، والاسم الذي التصق بها خلال حوارها مع سيرا إبراهيم قائلة: "أنا عملت فيلم مع تامر حسني اسمه (أهواك)، وكنت عاملة بنت صغيرة وكان اسمي في الفيلم (الصغنن)، ومن وقتها الناس بقوا ينادوني يا صغنن، وكل الناس اللي تقابلني يقولولي يا صغنن، والاسم بقى متعلق بيا جدًا".
الخجل لا يعني الغرور.. أنا فقط أخاف من الزحام
ردّت إلهام على الانطباعات الخاطئة التي تُلاحقها، موضحة: "الناس ساعات بتفتكرني مغرورة علشان دايمًا لوحدي، بس الحقيقة أنا خجولة جدًا وبخاف، حتى وأنا بصور، بروح أشتغل وامشي، مش بخرج ولا بقعد كتير في اللوكيشن، ومبحبش أكون وسط تجمعات، لكن في البيت أنا مجنونة جدًا، وبضحك، وشخصيتي مختلفة خالص، بس مزاجي ساعات بيتغير، وممكن أقفل تليفوني وأختفي شوية، وده بيزعل ناس مني بس مش بقصد والله".
"الصغنن" من الشاشة إلى الشارع.. تامر حسني صنع اسمي الجماهيري
حول علاقتها بمواقع التواصل، قالت إلهام: "أنا مش بتاعة سوشيال خالص، يمكن تيك توك شوية، بس أنا بقيت مش بدخل خالص، والسوشيال ميديا بتسرق الوقت حرفيًا، ممكن أقعد ساعتين تلاتة مش واخدة بالي، فبدأت أقلل منها جدًا جدًا".