بدرية طلبة تدخل دائرة اتهامات المشاهير بتجارة الأعضاء.. وتلجأ للقضاء ببلاغ للنائب العام (تفاصيل)
تقدم أشرف فرحات، المحامي الخاص بالفنانة بدرية طلبة، ببلاغ للنائب العام، طلب من خلاله فتح تحقيق عاجل مع مالك حساب المسمى بـ"هـ. س"، عبر موقع "فيس بوك"، بعد زعمه تورط الفنانة في واقعة تجارة الأعضاء حديث السوشيال ميديا في الوقت الحالي.
بدرية طلبة تلجأ للنائب العام بعد التشهير بها والإساءة لسمعتها
وتضمن البلاغ المقدم للنائب العام الآتي: "فتح تحقيق عاجل مع مالك حساب المسمى بـ"هـ. س"، عبر موقع "فيس بوك"، بعد استقطاعه بثاث تظهر فيها موكلته الفنانة بدرية طلبة مستغلًا الأحداث التي يروج لها البعض فيما ادعته من تدعى مروة زاعمة أنها نجلة الرئيس حسني مبارك، بقصد الإساءة إليها وتشويه صورتها".
وتابع البلاغ: "ويتضح ذلك بجلاء من خلال العناوين التي يضعها على تلك المقاطع بخلاف الترويج لأحداث ثبت أنها مجرد شائعات حول الفنانة وفاء عامر، وهي اتهامها بالإتجار في الأعضاء، مهددًا بذلك سلامة الأمن القومي وتكدير السلم العام، نتيجة لإساءة استخدامه مواقع التواصل الإجتماعي".
بدرية طلبة بعد محاولات تشويه سمعتها: كفاية ريحة الضاني طالعة بزيادة
من جانبها، نشرت بدرية طلبة صورة من البلاغ عبر حسابها الشخصي بموقع تبادل الصور والفيديوهات "إنستجرام"، وأرفقته بتعليق قائلة: "بجد زودتوها قوي وأنا سمعت كلام المحترمين والتزمت الصمت لكن واضح إن فيه ناس مش عايزة تجيبها البر معايا".
وأضافت بدرية طلبة: "كفاياكم بقي قص ولزق في بوستات وفيديوهات راعو ربنا انتو الريتش خلاكم نسيتو ربنا وحاطيتو ضميركم علي جنب وفاكرين الشوية اللى بيسقفو لكم حينفعوكم والا حكومتنا فاضيه والا حتاخد كلاكم حيكون مصدق بدون دليل!!!".
واختتمت منشورها بقولها: "اتقوا الله والا هي فلوس الفن حرام وفلوس الربح اللي بيجى من القص واللزق والرمي بالباطل فلوس حلال.؟؟؟ كفايه ريحة الضاني طالعة بزيادة".
بدرية طلبة بعد القبض على البلوجرز: الشمتانين في اللي اتقبض عليهم غيرانين من الفلوس اللي بتدخلهم من الدعم على التيك توك
بدأت الأزمة حينما دافعت الفنانة بدرية طلبة عن التيك توكرز والبلوجرز المقبوض عليهم أخيرًا، حيث قالت: "الحقيقة بتزعل وساعات بتوجع.. وأنا هافضل أقول الحق بتاع ربنا، (بعض) الشمتانين في البلوجرز اللي اتقبض عليهم غيرانين من الفلوس اللي بتدخلهم من الدعم على التيك توك”.
وأضافت: “سيبك بقى من اللي يقولك إنه فرحان علشان البلد تتنضف، وأسلوبهم وطريقتهم ومحتواهم والهجص ده كله.. عمومًا، اللي محتواه قليل الأدب يتعاقب، واللي غير محترم يتعاقب، واللي بيغسل يتعاقب”.
واختتمت بدرية: “أما اللي ربنا كرّمه من الدعم من غير أي شبهات، ده رزقه وحقه، وهو مضربش حد على إيده علشان يدعمه، والشمتان مهما يعمل، دي أرزاق ربنا مقسمها، ومحدش بياخد رزق حد”.