منة عدلي القيعي تكشف كيف انهارت في حفل زفافها.. مش عايزة حد يقول عليا عروسة مفستكة

كشفت الشاعرة الغنائية منة عدلي القيعي خلال لقائها مع الإعلامية منى الشاذلي في برنامج "معكم"، المذاع على شاشة قناة ON، عن تعرضها لحالة من الإرهاق الشديد خلال حفل زفافها على الفنان يوسف حشيش

وأشارت القيعي أن ذلك حدث بسبب الساعات الطويلة التي كان فيها ترقص وتغني مع أصدقائها وأهلها بشكل متواصل، وقالت: "قبل الزفة كانت مشكلتي إن ضربات القلب فوق الـ 100 علطول، وكنا عاملين خطة كل ساعة يقعدوني ربع ساعة من غير ما حد يلاحظ، لكن الدنيا كانت زحمة وحبايبنا كتير، ملحقتش أقعد ومن فرحتي نسيت نفسي، وعمالة أغني وأزغرد".

وتابعت: "قبل ما أحمد سعد يطلع يغني، وقفنا علشان فرقته تستعد، وقولت ليوسف أنا تعبانة حاسة مش قادرة أقف، ودخلنا الباك ستيج وابتدى يتسحب عندي دكتور واثنين، وكان كل خوفي وعمالة أقول ليوسف مش عايزة حد يقول دي عروسة مفستكة، عايزة الناس تقول يومي حلو".

وعن رد فعل الفنان أحمد سعد عندما علم بتعرضها للإجهاد الشديد خلال حفل زفافها قائلة: ""أحمد سعد دخل الباك ستيج وزعق لنا وشخط فيا بهزار طبعا وقاللي إنت جاية عندي وتقعي قومي، ده اللي كنت خايف منه".