رامي جمال: عمرو دياب لا يُنافس.. وأنا جمهوره المتعصّب
رد الفنان رامي جمال على تعليقات بعض المتابعين التي تناولت توقيت طرح ألبومه الجديد "محسبتهاش"، والذي تزامن مع قرب صدور ألبوم الفنان عمرو دياب، مؤكدًا أنه لا يرى في عمرو دياب منافسًا، بل يعتبره "أسطورة حية” لا تُقارن.
وقال رامي جمال، خلال استضافته في برنامج "أجمد 7"مع الإعلامية جيهان عبدالله على إذاعة نجوم إف إم: “عمرو دياب لا يُنافس، هو حفر لنفسه تاريخًا فنيًا كبيرًا، ولا يمكن وضعه في مقارنة مع أحد علشان تبقى في منافسة معاه لازم يكون عندك 40 أو 50 سنة نجاح، وأنا مش من جيله عشان أكون في مقارنة، أنا واحد من جمهوره المتعصّب، واللي بيحب المزيكا بيسمع الكل”.
وتحدث جمال عن توقيت طرح الألبومات، قائلًا: “زمان أيام الشرائط والسي دي كان مهم جدًا التوقيت، لأن الجمهور كان محدود القدرة الشرائية. لكن دلوقتي إحنا في عصر الأونلاين، وكل اللي يعجبه أغنية هيسمعها، سواء كانت لعمرو دياب أو لرامي جمال”.
وأضاف: “أنا نزلت ألبومي قبله وتصدّرت تريند يوتيوب، وبعدها نزل هو وتصدر التريند، وشرف ليا إن اللي أخد مني التريند هو عمرو دياب، لأنه من وجهة نظري هو صاحب الشغلانة الحقيقي”.
وأكد جمال أن التوقيت لم يعد معيارًا للنجاح، موضحًا: “أنا بشتغل عشان أقدّم فن يسعد الناس، مش بحسبها مين نزل قبلي أو بعدي. والناس اللي سمعت ألبومي قالت عليه حلو، وده كفاية”.
وفي ختام حديثه، وجّه رسالة للجمهور المتعصب لأي فنان، قائلًا: “إحنا بنشتغل مزيكا علشان نسعدكم، فانبسِطوا.. ومتحولوش تعلقوا بكلام يضايقني، لأني مش هتضايق”