شيكابالا يرد على اتهامه بالتسبب في رحيل جروس

خرج محمود عبد الرازق "شيكابالا"، قائد نادي الزمالك، عن صمته للرد على الاتهامات التي طالته بشأن تورطه في رحيل المدير الفني السابق كريستيان جروس عن الفريق، مؤكدًا تمسكه بالمبادئ وعدم قبوله بأي تصرف يُسيء لقميص النادي الذي يرتديه.

وخلال ظهوره عبر قناة MBC مصر 2، قال شيكابالا: "الناس جوا نادي الزمالك عارفين كويس إنّي مابقولش غير الحقيقة، وده الموضوع الوحيد اللي لازم أرد عليه".

 وأضاف: "كابتن عبد الواحد السيد جه قالي لازم نقعد مع رئيس النادي علشان المدرب يمشي، ودي قعدة أنا رفضت أكون طرف فيها".

وأوضح قائد الزمالك: "قولت لكابتن عبد الواحد، مع احترامي، أنا مش هقعد القعدة دي.. مينفعش أبقى كابتن الفريق، بلعب وبتمرن مع الراجل كل يوم، وأروح أطلب من الإدارة تمشيه، ده مش من شيم قائد الزمالك".

وأكمل: "قلت لهم لو في حاجة تروحوا تكلموا كابتن حسين لبيب، ونقعد كلنا كفريق ونناقش، لكن أنا مش هقعد لوحدي، لأني لو عملت كده هيتقال عليّ إني خاين وضربت في المدرب، وأنا عمري ما أعمل كده".

واختتم شيكابالا حديثه بنبرة حزن: "رجعت البيت لقيت الناس بتقول عليّ كلام إني كنت السبب في مشي المدرب، وده عيب.. كابتن نادي الزمالك ميعملش كده أبدًا".