رامز أمير يكشف سر منع زوجته من الظهور : مخبيها
كشف الفنان رامز أمير، عن السبب وراء عدم ظهور وجه زوجته في صور حفل زفافهما، وحقيقة رفضه ظهورها في المناسبات عامة.
رامز أمير: أنا رافض إن حد يتعامل مع مراتي
وأوضح رامز أمير، عن تفاصيل خاصة تتعلق بحياته الشخصية عقب الزواج، وذلك من خلال ظهوره الأخير في بودكاست مع أمل غريبة، قائلًا: أنا رافض إن حد يتعامل مع مراتي أو يشوفها خالص، يعني ماتطلعيش على السوشيال ميديا.
رامز أمير يكشف عن سبب رفضه لظهور زوجته على السوشيال ميديا
وأكد رامز أمير، عن اتفاقه مع زوجته، على وضع أسلوب لحياتهما الشخصية، قائلًا: أنا بخرج معاكي في الشارع اللي يشوفك يشوفك بس مش على الملأ، ليه يعني؟ ليه تطلعي للناس؟ هي مش عايزة كدة وأنا مش عايز كدة.
رامز أمير سبب إخفاء صور زوجته في حفل زفافه
وأجاب رامز أمير، على سؤال عن سبب نشره صور بدون ظهور وجه زوجته بحفل الزفاف، قائلًا: مخبيها، لأن دي ليها ضريبة مش مطلوب منك تستحمليها خالص، وأنا بمعرفتي بالناس محدش يستحملها، هي وحشة جًدا على فكرة، وحشة وحشة، أنا ساعات بتضايق جدا.
وأضاف رامز أمير، خلال لقائه مع أمل غريبة، عن تدخل الناس فى الحياة الشخصية، قائلًا: في ناس بتدخل جوه النوايا، وأنا مش بحب أدخل الناس في حياتي، مش بس عشان دي شخصيتي، ساعة لما اتجوزت، أنا عارف قسوة الناس، الجمهور، ده على الملأ.
واختتم رامز أمير، حديثه قائلًا: فأنا متعود كممثل على الغلط أو الهجوم أو أي حاجة، دي جزء من شغلي، زي ما بقول لك أنا ابقى بعمل السوشيال ميديا وفجأة الاقي ناس بتشتم في التعليقات وناس بتسقف، وناس من الوسط الفني بيقولوا لي اللي انت بتعمله دا غلط، أنا متعود على فكرة الهجوم، في أشخاص مش ذنبها إن هي لها علاقة بممثل، يعني مش هتستحمل.