زيزو: "جمهور الزمالك مش هيتعاطف معايا تاني.. انتهت"

أكد أحمد السيد زيزو، لاعب الفريق الأول لكرة القدم بالنادي الأهلي، على أن جمهور فريقه السابق الزمالك لن يتعاطف معه مرة أخرى بعدما حدث مؤخرًا.

شيكابالا: كأس مصر جاءت في توقيت مثالي لإسعاد جماهير الزمالك.. والموسم المقبل سيشهد تدعيمات قوية

وكان النادي الأهلي قد أعلن عن تعاقده مع زيزو في الساعات الأولى من صباح اليوم الجمعة.

تصريحات زيزو

تحدث زيزو نجم الأهلي الجديد، في تصريحات تلفزيونية، فقال: “من شهر 1 - 2024 بدأت الأحداث.. 6 سنين في الزمالك معملتش مشكلة مع حد وكنت مخلص وبشتغل في صمت لحد ما جيه شهر 1 والأحداث حصلت معايا”.
وتابع: “دخلت في السنة ونص الأخيرة في عقدي ودي النقطة اللي بدأت فيها المشاكل.. جالي عرض يناير 2024 من نادي الشباب ووصل لرقم 6 - 7 مليون دولار”.
وأكمل: “أنا نفس الشخص اللي كنت فري ومرضتش أمشي ببلاش، ونفس الشخص اللي كان عندي شرط جزائي مليون و200 ألف دولار وما استغلهوش”.
وأردف: “أنا كنت موجود في فترة فيها مجالس معينة ومفيش مجلس إدارات، وكان ممكن أمشي بس قعدت”.
واستطرد: “الريان القطري طلبني من سنين ورفضت استغلال الشرط الجزائي.. ورفضوا عرض الشباب”.
وتابع: “كلمني كابتن حسين لبيب وقلتله: لو الفرصة دي هتحقق دخل كبير للزمالك ويحلوا المشاكل بيعني، ولو لأ يبقى جددلي”.
واختتم زيزو: "انا طالع أقول الحقيقة وماليش مصلحة .. انا متفهم ان جمهور الزمالك مش هيتعاطف معايا تاني خلاص انتهت".