التانية بتوقيت أحلامى

من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع..
هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.

"سمية عبدالمنعم"

دى شهادة من اتنين مجاريح 
بختم الدمع والكسرة
بأن دموع عيونى عليك
ف وقت البعد كان حسرة
وإنى بموت ف يوم بعدك
بدال المرة ميت مرة
وإن ملامح التعذيب
تبان على شكلى من نظرة
التانية بتوقيت أحلامى 
وانا قاعد على ناصية فكرة
بتروح وبترجع قدامى 
وتسيبلى ملامحك للذكرى
وانا كنت بقولك طمنى
ماصعبش عليك وتقول بكرة
وانا كنت بقول بكرة قريب
وتعدى سنين مايجيش بكرة
ومعايا مايثبت إحساسى
ودقات القلب اهه شاهدة
وبكلم فيك تصبح ناسى
وبكمل حكاياتى مناهدة
وإن مرة شكيتك ليك منك
من كتر الصبر واقول ايه دا
ألاقيك مش حاسس إحساسى
وف عز عذابى تقول اهدى
يا جحودك يا عمايل قلبك
بقى فى ف الكون أصناف من دى
تجبرنى أحاسب على ذنبك 
وكمان بتجيب العيب عندى