بينكروا ليه؟.. شقيقة سعاد حسني تكشف حقيقة زواجها من عبدالحليم حافظ (فيديو)
كشفت جيهان عبد المنعم، شقيقة الفنانة سعاد حسني حقيقة زواج شقيقتها من العندليب الراحل عبدالحليم حافظ، مشيرة إلى أنها تزوجت بعدها ثلاث مرات.
وقالت جيهان خلال مداخلة هاتفية في برنامج "تفاصيل" مع الإعلامية نهال طايل على قناة صدى البلد 2: "إحنا سبق ورفعوا علينا قضية بسبب نفيهم خبر زواج حليم وسعاد وإحنا كسبناها، وأنا نفسي أفهم هما بيعملوا كده ليه؟ عايزين يثبتوا إن سعاد كانت بتحب حليم من طرف واحد وهو مش بيحبها؟ ده كلام غير حقيقي".
العلاقة بين العندليب والسندريلا كانت متبادلة
وأكدت أن العلاقة بين العندليب والسندريلا كانت متبادلة قائلة: "هما الاتنين حبوا بعض واتجوزوا في السر، وهما أحرار".
وأضافت: "حب حياة سعاد الحقيقي كان المخرج علي بدرخان، والقدر جمع بينهم حتى في الوفاة، لأنه هو كمان توفى في لندن زيها".
كشف محمد شبانة، نجل شقيق الفنان الراحل عبد الحليم حافظ، تفاصيل جديدة حول ما تردد عن زواج العندليب الأسمر عبد الحليم حافظ وأسرة السندريلا سعاد حسني، مؤكدًا أن ما تم تداوله لا يستند إلى أي حقيقة.
وقال محمد شبانة في مداخلة هاتفية ببرنامج "تفاصيل" الذي تقدمه الإعلامية نهال طايل على قناة صدى البلد 2: "إحنا عمرنا ما قولنا إن سعاد وحليم اتجوزوا، بالعكس، أسرتها هي اللي قالت كده، وسعاد طول حياتها ما جابتش سيرة الزواج ده، والكلام ده بدأ يطلع بعد وفاتها، وده كان بعد 17 سنة من وفاة عمي".
وأوضح محمد شبانة أن عبد الحليم كان يُكن مشاعر حب حقيقية لسعاد، قائلًا: "أيوه، عمي عبد الحليم كان بيحبها، بس متجوزهاش، وهو قال قبل كده إن الجواز مش حب بس، فيه حاجات تانية، والتسجيل اللي قال فيه الكلام ده هينزل قريب".