سر جديد عن بوسي شلبي يحسم طبيعة علاقتها بالراحل محمود عبد العزيز (ما القصة؟)
دخلت الفنانة سهير رمزي على خط أزمة صديقتها الإعلامية بوسي شلبي مع أبناء الراحل محمود عبد العزيز، لتكشف سرًا عنها لأول مرة، وذلك خلال مداخلة هاتفية ببرنامج "90 دقيقة" مع الإعلامية بسمة وهبة.
سهير رمزي: بوسي شلبي بيجيلها عرسان على أعلى مستوى ورافضه تماما وتقول لايمكن أحط حد اسمه يتجاب زوجي بعد محمود عبد العزيز
وقالت سهير رمزي: "هقول حاجة ميصحش إني أقولها ومش من حقي بس مضطرة إني أقولها، بوسي شلبي بيجيلها عرسان وناس على أعلى مستوى ورافضه تماما وتقول مش ممكن أحط حد اسمه يتجاب زوجي بعد محمود عبد العزيز لا يمكن".
وتابعت: "أنا حزينة جدا اللي الناس متعرفوش محمود عبد العزيز أنا أعرفه من قبل ما يشتغل في الوسط الفني معرفة عمر وأغلب أفلامي معاه كان بيعتبر أمي أمه وأنا أخته، وهو من أجمل الشخصيات اللي ممكن نقابلها من الرجولة والتدين، أنا حزينة أن اسمه يحصل فيه كده ليه وعشان إيه".
وأردفت سهير رمزي: "هو وبوسي شلبي جيراني كنا أنا وجوزي وهي وجوزها محمود على طول قاعدين مع بعض بنسافر سوا الساحل وبنقعد نتعشى سوا، وهو كان دمه خفيف كان بيحب "الكرشة بالدمعة" وبوسي كانت بتعملها حلوة وكان يقول "أومال أنا اتجوزت بوسي ليه"، مختتمة حديثها بقولها: "ليه يتعمل فيها كده دلوقتي؟!".