اليوم.. أولى جلسات محاكمة والد الطالبة جنى ونجليه لاتهامهم بالتسبب في وفاتها

تنظر المحكمة المختصة، اليوم الأربعاء، أولى جلسات محاكمة والد الطالبة جنى ونجليه لاتهامهم بالتسبب في وفاتها بمنطقة المقطم.

محاكمة والد الطالبة جنى ونجليه لاتهامهم بالتسبب في وفاتها

وقال والد الطالبة جنى المتهم بخطفها خلال تحقيقات النيابة كالآتي: أنا شغال سائق تاكسي وعندي 58 عاما، وبسؤاله عن اتهامه بخطف المجني عليها؛ أجاب: لأ طبعا مفيش أب بيخطف بنته.

وأضاف والد الطالبة المتهم: اللي حصل إن أول يوم عيد الأضحى الماضي حوالي الساعة 7:30 مساء، أخدت ولادي الاتنين يوسف وأحمد وطلعنا على منطقة المقطم عند بيت خالة بنتي، وهناك شوفت بنتي جنى طالعة من صلاة العيد، وقولت لأولادي انزلوا هاتوها، وأخدتها وخليتها تكلم أمها تقولها أنا مع بابا وإخواتي متقلقيش عليا وبعد كده طلعنا على البيت عندي.

وأكمل والد الطالبة جنى: روحنا البيت قعدنا وكلنا وكانت البداية كويسة، وتاني يوم وأنا بتكلم معاها عرفت أن هي كانت بتتعالج عند دكتور نفسي واتحجزت 25 يوما، وكلمت الدكتور وقالي أنتم السبب في اللي بيحصل للبنت.