محمد أبو داود: اهتمام الرئيس بالدراما يعكس حرصه على هوية الأسرة المصرية
أكد الفنان والمخرج الكبير محمد أبو داود أن حديث الرئيس عبد الفتاح السيسي عن الدراما المصرية، رغم المسؤوليات والضغوط الكبيرة التي يتحملها، يعكس اهتمام القيادة السياسية بما يشغل المواطنين، وحرص الدولة على حماية الأسرة المصرية من المحتوى الذي لا يمثلها.
اهتمام الرئيس بالدراما:
وقال “أبو داود”، خلال لقائه مع الإعلامية لبنى عسل، ببرنامج "الحياة اليوم"، المٌذاع عبر شاشة “الحياة”، "لما الرئيس يطلع يتكلم عن الدراما، رغم كل الهموم اللي عليه، ده معناه إنه سمع من الناس، وشاف، واستاء يا جماعة مش هي دي الأسرة المصرية، ومش جايين نقدم فن عشان ندمّر ولادنا ونقول لهم هو ده الفن".
وشدد أبو داود على أن الفن ليس مجرد وسيلة للربح، قائلاً:"الفن مش فلوس، أنا فنان ومستور، بس عمري ما شفت الفلوس الجامدة دي، الناس تستغرب، تقولك: إزاي؟! فاهتمام الرئيس بالدراما رسالة قوية لازم كلنا ننتبه لها، مش للفن بس، لكل حاجة، لأننا دولة كبيرة وعظيمة".
وأشار إلى ما تشهده مصر من توسع عمراني ونمو سريع، مضيفًا: "أنا لما بمشي من مكان لمكان في مصر دلوقتي، بقول: إيه ده؟! مصر كبرت جدًا، والتجمع اللي كان من كام سنة هادي، بقى زحمة، إذا مصر كبيرة، وشعبها عظيم، وفيها مواهب كتير".
إشادة بالشباب ودورهم في الفن
وتحدث الفنان الكبير عن المواهب الشابة التي ظهرت في الأعمال الدرامية مؤخرًا، خاصة تلك التي تُعرض على المنصات الرقمية والمسلسلات القصيرة، قائلاً: "شباب متميز ومواهب جميلة، بس لازم تتوظف صح، أنا كنت رئيس مهرجان المسرح القومي السنة اللي فاتت، واللي حصل إن جائزة أفضل عرض راحت لطلبة الجامعة رغم وجود عروض من مسرح الدولة، شفت شباب يخليني متفائل جدًا".
وعن أسباب توقفه عن الإخراج لفترة، أوضح: "من بعد مولد سيدي المرعب، وتحديدًا بعد 2011، توقفت. دلوقتي لما بيطلبوني أخرج، بخاف، لو ما قدمتش حاجة أحسن من اللي قدمتها، يبقى مالوش لازمة. لكن المسرح هيرجع، وهيرجع قوي على إيدين الشباب".
واختتم أبو داود تصريحاته بتوجيه رسالة للشباب، :"الزمن اتغير، واللغة اتغيرت، والتعاملات اتغيرت، بس كمان في حاجات مش كويسة في الجديد، فلازم تختار".