سامح حسين يعلن عن فيلمه الجديد "استنساخ".. هذا موعد عرضه

فاجئ الفنان سامح حسين جمهوره بعودته للساحة الفنية بفيلم جديد يحمل اسم “ استنساخ” والذي من المقرر عرضه يوم الأربعاء 9 أبريل الجاري وهو من تأليف وإخراج عبد الرحمن محمد .

ونشر سامح البوستر عبر حسابه الرسمي على موقع تبادل الصور والفيديوهات الأشهر «إنستجرام»، وظهر بجانبه الفنانة هبة مجدي التي طهرت بشخصيتين إحداهما محجبة، وعلق قائلًا: «عندما تختفي الحدود بين الواقع والخيال! البوستر الرسمى لفيلم استنساخ، 9 ابريل بجميع دور العرض المصرية وقريبًا في جميع الدول العربية».

وكان قد أثار الفنان سامح حسين جدلًا مؤخرًا عقب اقتراحه بإلغاء أجازات العين ، ليصدر سريعًا  توضيحًا لتصريحاته عبر حسابه على «فيس بوك» قائلًا : «جمهوري الحبيب.. كل سنة وانتم طيبين وبخير.. بناء على طلبكم.. والناس اللي طلبت تفسيرا لموضوع إني بطالب بإلغاء الأجازات في الأعياد.. الكلام ده طبعا غير حقيقي بالمرة».

وتابع: «أنا زيكم بحب الأجازة وبحب زيكم اشتغل بإخلاص زي كل واحد في مجاله.. الأجازة دي نعمة من ربنا نشحن من خلالها قوتنا لمواصلة مشوار الحياة.. كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها أجازة».

واردف: «لكني لم أقصد أبدا إلغاء الاجازات الرسمية، وعلي فكرة إحنا بنحب الأجازة علشان بنشتغل، أي حد جرب قلة الشغل مش هيحب الأجازة، الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير.. يارب حياتكم تكون كلها أعياد وفرحة».

سامح حسين يطالب بإلغاء اجازات العيد

وكان الفنان سامح حسين وجه التهنئة للرئيس عبدالفتاح السيسي بمناسبة عيد الفطر المبارك خلال مشاركته في احتفالية عيد الفطر، بحضور أبناء الشهداء من القوات المسلحة والشرطة المصرية.

وقال سامح حسين: «مصر فيها حاجات حلوة كتير أوى ومن ضمنها أنك مش محتاج مناسبة معينة عشان تسمع جملة كل سنة وانت طيب، وتقدر تقولها أمام أي حد، ولو صغر دماغه معاك مش هتغلب وهتلاقي مناسبة، وإحنا شعب بيحب الحياة والاحتفالات».

وأضاف: «إحنا شعب أبهر العالم بقدرته العجيبة على الضحك في أصعب المواقف وربنا خلقنا كده بنحب الضحك والفرحة، والعيد فرحة، ويا رب يكتر أفراحنا، بس مش ضروري نأخذ كل الأعياد دي إجازات وورانا شغل كتير أوي».