إخلاء سبيل المتهم الثاني في مشاجرة "كمبوند الفردوس" بكفالة 10 آلاف جنيه

قررت نيابة أكتوبر، اليوم الاثنين، إخلاء سبيل النجل الثاني المتهم بالتعدي على سائق سيارة المدارس في كمبوند الفردوس بكفالة 10 آلاف جنيه، بعد إخلاء سبيل شقيقه الأول واستمرار حبس والدهما.

إخلاء سبيل المتهم الثاني في مشاجرة "كمبوند الفردوس" بكفالة 10 آلاف جنيه

وكان قاضي المعارضات جدد حبس المتهم بالاعتداء على سائق في كمبوند الفردوس بمدينة السادس من أكتوبر 15 يومًا على ذمة التحقيق، كما قررت نيابة أكتوبر، إخلاء سبيل نجله بكفالة 10 آلاف جنيه.

وكشف المجني عليه بواقعة مشاجرة كمبوند الفردوس خلال تحقيقات النيابة تفاصيل الواقعة بداية من حادث الاصطدام بسيارته حتى الوصول لقسم الشرطة.

 وقال المجني عليه: “اللي حصل إن أنا شغال على عربيتي شيفروليه فان بوصل مدرسة مش فاكر اسمها، بس يجيب الأطفال من كذا منطقة وكان آخر منطقة بنسبالي المفروض هروح أجيب منها الأطفال للمدرسة كانت هي الفردوس، وروحت فعلا وجبت الأطفال بتوع الفردوس فعلا جزء منهم وجزء كنت لسة بكمله”.

وأضاف المجني عليه: “وبعدين وأنا ماشي في شارع في الفردوس عند مدرسة الشهيد إيهاب مرسي كان في تقاطع، وأنا كنت ماشي في طريقي عادي عشان مكمل على طول في التقاطع، وأول لما طلعت العربية من الشارع لسة بعدي الطريق خلاص لقيت الست اللي هي معايا في المحضر جاية بسرعة وخبطتني بالعربية بتاعتها من وهي جاية على شمالي خبطت العربية عندي من الجنب من قدام”

وأكمل حديثه: “الراجل الكبير جه وقالي إيه اللي حصل قولتله أنا ماشي في طريقي هي جاية بسرعة خبطتني من الجنب من قدام، راح قالي إزاي خبطتك قالي أنت غلطان قلت له أنا غلطان إزاي هي اللي خبطني من الجنب من قدام لما قولتله كده قعد يزعق ويشتم بس مش فاكر بالظبط قالي إيه الألفاظ، بعد كده في نص ما هو بيكلم لقيت واحد من عياله دخل قالي هات الرخص والبطاقة بتاعتك قولتله أنا مش هديك حاجة أنا هديها للقسم مش هديهالك أنت، راح ماسك فيا وضربني وابنه الثاني معاه راح ضاربني بردو من ورا كده على دماغي”.