"صوت عالي واداء متشنج".. ماجدة خير الله تفتح النار على صناع مسلسلات رمضان
تصدر اسم الناقدة الفنية ماجدة خير الله مواقع التواصل الاجتماعي، بعد أن هاجمت الأعمال الدرامية التي تعرض حاليًا حلال موسم رمضان 2025، خاصة بعد مشاهد العنف والانفعال والصوت العالي مما جعل المشاهدين يتفاعلون بشكل سلبي مع المسلسلات.
ماجدة خير الله تهاجم صناع مسلسلات رمضان 2025
كتبت ماجدة خير الله عبر حسابها الرسمي على موقع فيسبوك، "هو مفيش حد عاقل يفهم الممثلين ان الصوت العالي والاداء المتشنج، والعيون الجاحظه لاعلاقه لهم بالتمثيل ، وهذا الاسلوب سبب كافي لعدم الاقبال علي متابعة تلك الاعمال".
وأضافت ماجدة :" المخرج الذي يحترم مهنته عليه ان يوجه الممثل ليعيش داخل حدود الشخصيه بلا انفعال زائد، الجمهور بيسخر من هذه الاعمال ويعتبرها اهدار للوقت والمال العام والسمعه الفنيه.
ماجدة خير الله" width="689" height="172">ماجدة خير الله">رواد موقع التواصل الاجتماعي يتفاعلون مع منشور ماجدة خير الله
تفاعل رواد السوشيال ميديا مع منشور ماجدة خير الله وهاجموا صناع مسلسلات رمضان نظرًا لما تحتوى من مشاهد انفعال وصوت عالي وجاءت التعليقات كالأتي، "المشكلة عندنا ف كتير من الفنانين والفنانات ممكن يعملوا أدوار متنوعه (شخصيات مختلفة) لكن بطريقة أداء واحده يشوفوا أعظم ممثل ف تاريخ مصر الفنان الكبير محمود المليجي عمل ادوار الشر مختلفة طلع مشهد واحد أو اتنين ف رائعه يوسف شاهين فيلم جميلة بوحريد متقدريش تنسيه ونجم النجوم رشدي اباظه إللي عمل الريس مجاهد ف صراع ف النيل وعصمت كاظم ف الرجل التاني اللي مستحيل اي ممثل يعمله غيره لازم يطوروا من اداؤهم".
وأضاف أخرون، "اتفق تماما ، وهو اداء منفر ، ومجرد الصوت المرتفع والتشنج واستعمال ألفاظ نابية كافي للدلالة علي مدي ضعف العمل"، " عند حضرتك مليون حق الكل بيصرخ ويبرق وحاجة تقرف قوى والله"، " حضرتك كده توقعي آراء الفنانين الهواة و المستقلين اللي مش عارفين يلاقوا فرص و بيشوفوا العبث اللي بيحصل ده؛ فيه كتاب و مخرجين بالإضافة للممثلين منتشرين في كافة محافظات مصر، عندهم أعمال تستحق؛ و مش بياخدوا أي فرص"، " المخرج اللي بيعمل النوعية دي من المسلسلات اللي هو بيكون متخيل انه بينفرد ب نوع جديد تماما من الدراما عن طريق اسلوب معين فى الكلام زي اللي هو عامله السنة دي او مثلا زي في سنة من السنين لما عمل مسلسل كل كادراته مايلة بزاوية حادة لو حضرتك تفتكري يا استاذة .. طبعا الاعمال اللي شبه دي بتكون فاشلة فشل زريع فنيا و بتنجح كالعادة تجاريا للاسف مش كل الجمهور بيستوعب ان دة مجرد "عبط" ملوش علاقة بالفن و دة سبب استمراره لحد النهاردة".
