انتحار الضحية الثالثة لـ"أثينا" في مشهد صادم يهز السوشيال ميديا
في تطور درامي مفاجئ، انتهت الحلقة السادسة من مسلسل أثينا بمشهد صادم، حيث أقدم "آدم" الذي يقدم دوره الفنان تامر هاشم، على الإنتحار بعدما قاد سيارته بسرعة جنونية، ما أسفر عن انقلابها ووفاته في الحال.
ملخص أحداث الحلقة السادسة من مسلسل أثينا
بدأت تتصاعد أحداث الحلقة حينما كان آدم نادمًا على ما حدث بعد اكتشاف اختراقه لمنصة الجامعة، ثم جاءت نادين وجلست بجواره، فسألها: "أنتِ كنتِ عارفة إن ده هيحصل؟"، فأجابته: "ماكنتش حابة إن ده يحصل طبعًا، مش علشانك، لأ.. علشان مامتك متتقهرش عليك".
ورد عليها قائلاً: "أنا استهل، بس هو مبعتش الفيديو لكل الناس"، فسألته: "هو بيعمل كده ليه؟"، فرد عليها: "عايز يشككني في كل حاجة حواليا، عايز يكره الناس فيا".
ثم سألته نادين: "كيف توصل إليك، من حيث الزمان والمكان، ليجيب آدم: "أول ما كلمني، كان بيقولي باباك عايز يشوفك حد كويس، وأنا مكنتش برد عليه، لحد ما قالي إنه عارف إني بسرق الامتحانات".
وقاطعته نادين قائلة: "طبعا كنت بتسرق الامتحانات علشان تكون أحسن حد في الدنيا زي ما والدك عايز يشوفك"، ليجيب الأخير: "اه.. وماما أكتر حد تعب معايا، وكنت عايز افرحها، ثم يترك نادين ويمشي"، وقبل ان يمشي، طلب منها أن تخبر مي أنه كان يحبها.
في الوقت نفسه، دبرت زوجة والد "نادين" التي تقدم دورها الفنانة ريهام حجاج، مكيدة خبيثة بالتعاون مع صلاح زيدان، كانت تهدف من خلالها للإضرار بـ "مي"، عن طريق إعطائها جرعات زائدة من مهدئات فاسدة بهدف قتلها.