عصام الحضري: أنا وصلاح فقط أساطير مصر في العالم.. الباقي محلي وأفريقي
قال عصام الحضري حارس وقائد المنتخب الوطني السابق، إنّه الهرم الرابع، موضحًا: "ألقابي وإنجازاتي وكل حاجة تخليي أفتخر وأقول كده، والتاريخ اللي أنا عملته يخليني أقول أي حاجة".
وأضاف "الحضري"، في حواره مع الإعلامية بسمة وهبة، مقدمة برنامج "العرافة"، عبر قناتي النهار والمحور: "أنا اسمي عصام الحضري، ولا أعرف شيئا اسمه التريند".
وسألته بسمة وهبة عن أساطير الكرة المصرية، رد قائلا: "أحمد حسن، محمد أبو تريكة، وائل جمعة، عماد متعب، عمرو زكي، سيد معوض، محمد زيدان، حسن شحاتة، والكابتن محمود الخطيب".
وواصل: "كلهم أساطير في الوطن العربي وأفريقيا، لكن في العالم، مفيش غير محمد صلاح وأنا، والكلام ده بيزعل الناس، بس يزعلوا".
بسمة وهبة تصدم عصام الحضري: "عاوز تبقي زي رضا عبد العال عشان التريند؟!"
وتحدث عصام الحضري حارس وقائد المنتخب الوطني السابق، عن دافعه وراء الحديث عن نفسه بشكل جيد، ردا على سؤال الإعلامية بسمة وهبة "الناس بيقولوا محدش بيشكر نفسه إلا إبليس، وأنت قاعد ليل نهار تشكر في نفسك".
وأضاف: "أشكر في نفسي، عشان افرض الناس مش بتحبني أو الناقد ده مش بيحبني، والجمهور على عيني وراسي، وأتكلم عن نفسي وأفتخر بتاريخي بعد الاعتزال".
وتابع: "من حقي أفتخر بنفسي وألقابي وإنجازاتي في أي وقت، وبالنسبة للتريند، فأنا لا أعرفه".
وسألته بسمة وهبة: "عاوز تبقى زي رضا عبد العال عشان تاخد المشاهدات والتريند؟!"، ليؤكد عصام الحضري أنه يحترم الجميع، لكنه حريص على الحديث عن نفسه باعتباره أسطورة، بعدما حقق إنجازات كبيرة في مشواره الكروي.