أين ريهام سعيد.؟.. راندا البحيري تعلن تغيب ريهام سعيد بعد توقيفها في المطار|ما علاقة نادر صعب؟
تضامنت الفنانة راندا البحيري مع الإعلامية ريهام سعيد بعد أزمتها الأخيرة مع طبيب التجميل نادر صعب الذي أقدم على تشويه وجهها بسبب عملية تجميل فاشلة حسبما زعمت الإعلامية المصرية.
وشاركت البحيري منشور عبرر صفحتها الرسمية على موقع التواصل الاجتماعي فيسبوك تناشد من خلاله متابعيها للوقوف مع ريهام سعيد خلال هذه الأزمة، كما كشفت أن الإعلامية الشهيرة متغيبة منذ يومين، قائلة: "مواطنه مصرية تم تشويه وشها من قِبَل شخص، رفعت قضايا عليه بعد ما نزل صورة مشوهة ليها من غير ما ياخد إذن كتابي بنزول الصورة وكمان هي طلعت وقالت إنها مكانتش صورتها قبل.. استعان بصورة واحده ست تانية".
وتابعت: "يعني أول أكشن اتاخد في الموضوع ده ان هو اللي نزل صورها واتكلم عن عملية فاشلة وقال عليها إنها أنجح عملية فطبيعي انت لو مكانها هتتغاظ جدًا وهتطلع تتكلم عن حقك، بعدها سلكت المسلك القانوني وحاولت تاخد حقها بالقانون سواء في بلدها أو في بلده".
وأردفت: "وكانت شجاعة و بنت بلد زي المصريين كلهم وراحت سافرت بنفسها علشان تحضر جلستها، وصلت المطار وبعدها نزلت بوست قالت فيه إن هي اتحجزت وبعدها تليفونها اتقفل وهي دلوقتي متغيبة ومنعرفش حاجة عنها بقالنا يومين ممكن حد يطمننا علي #ريهام_سعيد - #متضامنة_مع_ريهام_سعيد، فعلوا يا جماعة الهاشتاج ده ونزلوا بوستات، الست دي عملت في حياتها خير كتير تستاهل النهارده إننا نقف جنبها".
توقيف ريهام سعيد في المطار:
كانت ناشدت الإعلامية ريهام سعيد السفارة المصرية بعد أن تم توقيفها في المطار أثناء سفرها لحضور جلستها في القضية التي رفعتها على طبيب التجميل نادر صعب قائلة: "من فضلكوا حد يتصل بالسفارة المصرية.. نادر صعب استخدم نفوذه وموقفني في المطار، وأنا جاية أحضر الجلسة، أنا مبخافش يا نادر ويارب تيجي تحضر المحاكمات في مصر زي ما باجي أنا لبنان مهما تعمل أنت دكتور شوهتني وأخطأت طبيًا.. محتاج فلوس؟".
