شيلوا رموشي.. سالي عبد السلام تثير قلق جمهورها بوصيتها|من اختارت لتغسلها؟
شاركت الإعلامية سالي عبد السلام جمهورها بوصيتها بشكل مفاجئ وذلك في فيديو نشرته عبر خاصية القصص القصيرة بحسابها الرسمي على موقع تبادل الصور والفيديوهات الأشهر انستجرام.
وقالت سالي عبد السلام في الفيديو: "أنا كاتبة وصيتي أول حاجة أول ما أموت كاتبة مين تغسليني، معلمتي تغسلني وعايزاها تشيل الرموش، وكاتبة في وصيتي إني مش عايزة مكان معين يصلوا عليا فيه".
وتابعت عبد السلام: "والمانيكور والضوافر التركيب أنا مبقتش أعملها لأن حد يخش على غسلك عشان يشيلها، حتى المانيكور أنا مبقتش أحطه لأنه بيمنع الوضوء والرموش فيها أقاويل".
وأضافت : "مش بقول إني أنا صح بنعمل على قد ما نقدر الناس اللي بتفضل تقول إبقي إعملي الأول لا ملكوش دعوة".
وأرفقت المقطع بتعليق شجعت فيه متابعيها على كتابة وصيتهم وكتبت: "اكتب وصيتك وخليها ده مش فال وحش ده عشان تضمن اعمل لدنياك كأنك تموت غداً".
سالي عبد السلام تفقد طفليها
جدير بالذكر أن سالي عبد السلام كانت قد أعلنت عن فقدانها لجنينيها التوأم قبل ولادتهما، في منشور مؤثر عبر حسابها الشهصي بموقع التواصل الإجتماعي "فيس بوك".
كتبت سالي عبد السلام: "قدر الله وماشاء فعل من كام يوم..وده بعد سنتين انتظار التؤام اللى كان نفسى فيهم اوى يا رب .. سنتين صبر وانت مفيش قدامك غير الصبر زى اى رزق والحمدلله ان اختبارى كان فى الصبر و بس مش اكتر وكنت طالباها تيجى من عند ربنا خالص ومن غير تدخل دكاترة..الحمدلله على نعمة الاخذ بعد العطاء .. يا رب".
وتابعت سالي عبد السلام: "فقدت أغلى ما ليا.. واللى كان هيكون ليا..الحمد لله.. قدرى الحمدلله، انا بكتب الكلام ده عشان يمكن حد يتعلم!!!
كل حد قالى وقال عليا مش عايزة تخلف عشان خايفة على جسمها و شغلها .. وكانت اوحش حاجة سمعتها فى حياتى وهم لا يعلمون شيئا عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب او معتبر نفسه كدة ومش من اهله اصلاً ولا يحق له و يحسسهم ان وراهم تارجت يا اما هيكون منبوذ منهم وهنسود عيشتك بسؤالنا كل شهر و نضغط عليك مع انهم مش هيشيلوا اصلا و محدش هيشيل غيرك..وهم لا يعلمون شيئا".