تسريب مكالمة ساخنة بين بسمة وهبة وشاليمار شربتلي تفجر فضائح جديدة (شاهد قبل الحذف)

انتشر، في الساعات الأخيرة، تسجيل صوتي لمكالمة هاتفية مسربة بين بسمة وهبة وشاليمار شربتلي، زوجة المخرج خالد يوسف، يدور حول قضية اتهام المخرج عمر زهران بالسرقة، ومحاولة التفاوض لإنهاء الخلاف والتنازل عن القضية، الذي جاء في مقطع فيديو منشورًا على الحساب الرسمي للفنانة مادلين طبر، بموقع تبادل الصور والفيديوهات "إنستجرام"، تحت عنوان "شاهد قبل الحذف".
اتهامات متبادلة بين بسمة وشاليمار شربتلي خلال المكالمة المسربة:
جاء الفيديو مرفقًا بتعليق يصف ما يتناوله كالآتي: "مكالمة مسربة من تليفون بسمة وهبة مع شاليمار، تكشف المؤامرة على خالد يوسف.. شاليمار بتقولها تحبي اتكلم عن تاريخك وافضحك وهي عاملة زي الكتكوت المبلول... وبسمة مرعوبة وبتنكر كل اللي قالته في المحكمة، واللي قالته في فيديوهاتها عن شاليمار وخالد وبتبيع كل أصحابها".
لمشاهدة الفيديو اضغط هنــــــــا



بدأت المكالمة بصوت بسمة وهبة، وهي تطلب من شاليمار أن تنسى ما صدر منها خلال الأيام الماضية، أو من أي شخص آخر وتسبب في مضايقتها، حيث قالت: "عيزاكي تنسي كل اللي بيحصل اليومين اللي فاتوا مني، أو من أي حد يكون إنه ضايقك عشان مش عيزاكي تكوني مضايقة ولا شايلة مني، وأنا بتكلم معاكي دلوقتي"، لتقاطعها شاليمار قائلة: "أنا عايزة أعرف بس مين إداكي رقم تليفوني، أنا رقمي مش عندك"، لتجيبها قائلة: "خدته من مهاب".

وتابعت بسمة حديثها قائلة: "بصي يا شاليمار أنا وأنت لو قعدنا اتكلمنا عمر عمل كده أو معملش هنختلف لأني مكنتش موجودة، وعشان منختلفش أنا بقول أنه بريء وأنت بتقولي أنه مدان"، لتقاطعها شاليمار بانفعال، قائلة: "بصي لو هنبتدي الكلام بالإدانة لأى طرف من الأطراف غير عمر أنا هأضطر أقفل التليفون".

واسترسلت شاليمار حديثها: "أنت كده بداية الكلام حضرتك بتخبطي في النيابة والمباحث والقضاء، وأنا ست سعودية احترم هذا الوطن العظيم وده قرارهم بعد اتهامي لعمر وبعد شكي فيه بعد ما جاب عنتر، وهما اللي أقروا ده فلو حضرتك عندك أي اختلاف في وجهة النظر ضد بلدك وقضاء بلدك أنا مش ممكن اتكلم معاكي في حاجة، يبقي مينفعش تقولي عمل أو معملش، نقول هو عمل هي دي الحقيقة وهو أخد حكم لأن المجوهرات كانت في بيته".

بسمة وهبة تنفي اتهامها لخالد يوسف بسرقة زوجته شاليمار: أقسم بالله أنا ما قولت كده أبدًا:
أنا معرفش انتي مكلماني ليه بعد كل الكلام اللي انتي قلتيه وأنت زورتي شهادتك أمام المحكمة وروحتي اتهمتيني بالتزوير وقولتي أني اديتك حاجات أنا معرفكيش أصلًا عشان اديكي حاجة وخلال معرفتي بعمر 14 سنة، أنا لا عمري قابلتك ولا عمري شوفتك ولا عمري شوفت أن عمر أصلًا قابلك"، لتقاطعها بسمة قائلة: "أقسم بالله أنا ما قلت كده أبدًا أبدًا أبدًا".

واستكملت شاليمار توبيخها لبسمة قائلة: "أنت لما تخرجي تقولي إن عمر بريء، وأن خالد بيسرق مني أنت السيناريو ده جبتيه منين، أصل الموضوع ده جبتوه منين، وده اتقال في المحكمة قلتوه إزاي انتي وفلانة وفلانة نتي اتهمتي خال فعليًا إن هو اللي سارق مظبوط؟»، وقاطعتها بسمة قائلة: "محدش قال إن خالد حرامي أبدًا أنا محدش خد من بقي اني بقول ان خالد هو الحرامي"، لتقاطعها شاليمار متسائلة: "طب حضرتك متصلة ليه يا بسمة يا حبيبتي؟"، لتجيبها: "أنا متصلة عايزة أخلص الموضوع ده لأن عمر بيموت".

وردت شاليمار على مطلبها بالموافقة ولكن بشرط، حيث قالت: "ترجع المجوهرات ويقول مين شريكه، وأنا حاضر اتنازل، وبقول ليه شريك لأن مش معقول كم الألماظات اللي اتسرقت دي عمر هيعمل بيها ايه دي تكفيه ليوم الدين، يعني ده روليكس وكارتييه لازم يبقى في حد عنده عشان يقدر يخرجله الحاجات دي من البلد وفي حاجات كتير مطلعتش ياروح قلبي".

بسمة وهبة لشاليمار شربتلي: انتي اللي اديتي المجوهرات لعمر زهران هو مسرقهاش:
تابعت: "والسلسلة والحاجات الدهب والفضة اللي طلعت من بيته، لتقاطعها بسمة قائلة: "بس انتي اللي ادتيهاله يا شاليمار"، لتجيبها: "انا مدتلهوش حاجة، اديله ليه، انتي هتدي لراجل سلسلة ألماظ ليه عشان ايه؟!".
