رمتني بدمي بطلع في الروح.. طليقة سعد الصغر تتهمه بالشروع في قتلها (ما القصة؟)

 فجرت الراقصة شمس المغربي مفاجآت وأسرارًا، للمرة الأولى، اتهمت فيها طليقها سعد الصغير بتدمير حياتها والشروع في قتلها، شامتة فيما أصابه من مكروه، بعدما قضت المحكمة بسجنه 3 سنوات بتهمة تعاطي المخدرات.

هل كانت تحت تأثير الإدمان؟.. طبيب شيرين عبد الوهاب يحسم السبب الحقيقي لتورطها بفضيحة الكويت

الراقصة شمس المغربي تشمت في طليقها سعد الصغير بعد حبسه: عمري ما بطلت أحسبن عليك أنت دمرت حياتي ووسخت شرفي:

 جاءت رسالة طليقة سعد الصغير خلال منشور شاركته عبر حسابها الشخصي بموقع التواصل الاجتماعي الأشهر "فيس بوك"، حيث قالت: “يمهل ولا يهمل ومن يعمل مثقال ذرة خيرًا يره ومن يعمل مثقال ذره شرًا يره”، اللهم لا شماتة عمري ما بطلت أدعي وأحسبن عليك، أنت دمرت حياتي وأهذتني كتير وعملت فيا إلا عمر ما يتخيله بشر".

 وأضافت طليقة سعد الصغير: "اتكلمت في شرفي وعرضي وقطعت بنتي حتت وهي مولودة حية وقهرت قلبي عليها وضيعت مستقبلي ووسخت شرفي في الأرض وأذتني في شغلي ومستقبلي عشان تذلني وأحتاجلك وكنت بتدبر لي كل شوية مصيبة عشان تحبسني".

طليقة سعد الصغير: عمري ما هنسى لما رمتني وأنا في دمي بموت في البيت بعد ما ولدتني بالعافية وأنا في البنج:

 واستكملت شمس المغربي: “وأكتر موقف بقي مش قادرة أنساه لما رمتني وأنا في دمي بموت في البيت إلا خطفتوني منه بعد ما ولدتني بالعافية وأنا في البنج وجريت أنت والبلطجية رمتوني وأنا بطلع في الروح بنزف يا مجرمين".

 وتابعت: "كل حياتي معاك كانت عافية وتهديد وبلطجية يارب ولك بالمثل كل حاجة عملتها فيا وكل العذاب الا عذبتهولي تتعذبه ويحرق قلبك يا رب علي أقرب الناس ليك زي ما حرقت قلبي وعذبتني عرفت إن في ربنا بكرهك ونفسي أنسي الأيام السودة اللي شفت فيها وشك ده أنت حتي وانا في غربتي".

شمس المغربي لطليقها سعد الصغير: اللي كنت بتتمنى تعمله فيا ربنا عمله فيك أنت وهي أنت اتحبست وهي عليها أحكام وهربانة.

 وأردفت: “مارحمتنيش أنت والشمامة الشمال كنتم تتصلوا بيا تشتموني وتهددوني ماعرفش كنت عايز مني ايه، سبحانك يارب كل اللي كنت بتتمني تعملو فيا ربنا عمله فيك أنت وهي، أنت اتحبست وهي عليها أحكام وهربانة".

 وتابعت: "زي ماقهرتني وذلتني ربنا بيذلك دلوقتي بس قدام العالم كله بالكلبشات في الحبس مسجون منك لله ولسه ربنا كبير وعمري ماهاسامحك والا أبطل أدعي عليك، وذنب بنتي الغلبانة هو اللي في رقبتك مدى الحياة وبسببه عمرك ماهاتشوف خير البيبي الغلبانة اللي قطعتها وهي مولودة حية".

 واختتمت شمس المغربي، طليقة سعد الصغير، رسالتها بقولها: "مش هاقولك غير حسبي الله ونعم الوكيل فيك، وأظن عرفت معناها دلوقتي".

حبس سعد الصغير 3 سنوات بتهمة حيازة المخدرات:

 قضت محكمة جنايات شمال القاهرة، بالسجن المشدّد لمدة 3 سنوات للفنان سعد الصغير، في اتهامه بقضية حيازة المواد المخدرة، وتغريمه 30 ألف جنيه، ما تسبب في انهياره داخل القفص بعد الحكم، وظل يردد: "كله عند الله".