عمرو أديب: قضية إمام عاشور تثير الجدل.. والأهلي يجب أن يعرضه للبيع

 واصل الإعلامي عمرو أديب انتقاداته الحادة لإدارة النادي الأهلي بسبب طريقة تعاملها مع أزمة اللاعب إمام عاشور، مؤكدًا أن الموضوع أصبح قضية رأي عام داخل الوسط الرياضي، وأن تصرفات الإدارة الحالية تعكس تغيّرًا في المبادئ التي طالما عُرف بها النادي.

والد زوجة إمام عاشور: "تألمنا بسبب مشادة الشناوي وإمام"

 قال أديب: "موضوع إمام عاشور عامل دوشة كبيرة جدًا، وبصراحة مليون جنيه إيه ووقف عن مباريات إيه؟ ده مش كفاية".

 ودعا أديب إدارة الأهلي لاتخاذ موقف صارم، قائلاً: "مبادئ النادي الأهلي دي معروفة، إمام عاشور ده يتعرض للبيع على طول، الأهلي مش هيقف على لاعب واحد، والمشاكل اللي عملها خلال شهرين تلاتة أكتر من اللازم".

وجه أديب انتقادات لاذعة، مشيرًا إلى أن الأهلي أصبح يغلّب المصلحة على المبادئ، وقال: "الأهلي بقى بيدلع اللعيبة! وبعدين، الله أعلم اللاعب بيدفع العقوبة ولا لأ، كده بتدلعوهم ومش بتطبقوا قيم النادي اللي إحنا عارفينها".

 وأتم أديب تصريحاته لإدارة الأهلي: "لو مش قادرين تحافظوا على المبادئ، اعترفوا إن القصة تغيرت. الأهلي مش محتاج أي لاعب، فاعرضوه للبيع لو فعلاً بتحافظوا على مبادئكم".