أحمد أمين: عرفت نفسي كمُمثل بعد 35 عامًا من عمري (فيديو)
قال الفنان أحمد أمين، إنه يُعرف نفسه كمُمثل حاليًا، مشيرًا إلى أنه ظل حوالي 35 عامًا، لا يعرف ما يقوم به بشكل حقيقي، حيث كان مهتمًا في إحدى الفترات بالموسيقى، بالإضافة إلى الكتابة والصحافة، فضلًا عن كونه خريج كلية فنون جميلة.
عملت في الرسم والصحافة والمزيكا:
وأضاف أحمد أمين، خلال برنامج "كاستنج"، الذي يذاع على قناة "dmc": "أنا قعدت 35 سنة مش عارف أنا بعمل ايه، بس أنا دلوقتي ممثل، ولما كنت بمثل وأنا صغير، كانت دي بتبقى أسعد أوقات حياتي، وكنت ببقى مبسوط أوي، ومتألق أوي وحاسس بالطفل اللي جوايا".
وأوضح أحمد أمين: "لما قعدت انشغلت في الرسم والصحافة والمزيكا، كنت حاسس ان في حاجة مش مظبوطة، وكنت كل ما افتكر الأيام اللي كنت بمثل فيها وأنا صغير، كنت بقول ان دي أحلى أيام".
وتابع: "شغلي في الكتابة، أفادني كتير في مشواري، لأنه مبدئيًا في علاقة قوية بين ضعف الشخصية المكتوبة وبين العيب الدرامي، لأن ممكن تكون الشخصية بتعمل حاجة أنا مش مقتنع بيها".
وقال: "في ممثل صاحب مشروع وفي ممثل لا، ومش لازم كل الممثلين يبقوا أصحاب مشاريع، والأستاذ عادل إمام كان بيغير أجيال من المخرجين والكتاب والممثلين".