باسم سمرة: وقف الأفلام سبب تراجع السينما في مصر

حرص الفنان الكبير باسم سمرة على حضور ماستر كلاس المخرج يسري نصر الله، وقال :" انا بحب اشكر ادارة المهرجان على تكريم المبدع يسري نصر الله انا محظوظ اني اشتغلت معاك اكتر من عمل وانا بشكرك من كل قلبي".

يسري نصر الله: مهنتها مجنونة ولكنها ممتعة

يسري نصر الله: كنت مفلس ويوسف شاهين شجعني على أول تجاربي السينمائية

باسم سمرة: صناعة السينما بترجع لوراء

وجهه الفنان باسم كلمة لمسئولي صناعة السينما في مصر، إذ قال إن السينما بتخسر وليس هناك فرص بسبب الرقابة قائلًا "احنا بنرجع وراء بسبب حاجات كتير منها القيود اللي بتتحط ووقف الأفلام بسبب الرقابة وأتمني نظرة المسئولين لينا".
 وكان يسري نصر الله قد أوضح أن الممثل يجب عليه عيش واقع الجماهير ليخلق عمل فني ممتع قائلًا "الممثل لازم يعيش الواقع وحواديت الناس، لو مثلا عملت دور مثل عن شخصية شعبية من روض الفرج روح المكان وشوف الناس عيش عيشتهم اتكلم معاهم عشان تعرف تتقن الدور".
 

وأضاف يسري نصر الله، المهم المتعة في العمل ومتعة الممثل في أداء دوره ومهنة الميديا بشكل عام متعبة قائلًا " انا اتعلمت على أيد يوسف شاهين واللوكيشن بتاعه بعيدًا عن شدته في العمل، ولكن في بهجة وصنع جمال، وإذا افتقد مخرج أو منتج أو ممثل أو كاتب الحته دي، نصيحة بلاش تشتغل الشغلانة دي روح اشتغل اي شغلانة تجبلك فلوس مهنتنا مفيهاش فلوس كتير  بس مجنونة وفيها متعة وحكاية".
 

أول تعليق من يسري نصر الله على تكريمه في مهرجان القاهرة السينمائي

علق المخرج يسري نصر الله عقب تكريمه من مهرجان القاهرة السينمائي، إذ قال عبر حسابه الرسمي فيسبوك :"أنا باشكر كل إللي خلوا اللحظة دي تحصل، وكل إللي على مدى أكتر من 35 سنة- شاركوني في مغامرة الأفلام إللي عملناها سوا".

وتابع يسري نصر الله :" المغامرة لسة ما خلصتش، عشان كلنا اجتمعنا على حب السينما وحب الناس. مافيش حد فينا يقدر يعيش من غير السينما والجمال".