مشاهدات أغنية "السنبلاوين" لروبي بعد طرحها على يوتيوب

حققت أغنية النجمة روبي “السنبلاوين” من أحدث أعمالها السينمائية فيلم "عصابة الماكس" مشاهدات وصلت الى 57 ألف مشاهدة عبر قناتها الرسمية في موقع يوتيوب.
وأغنية "السنبلاوين" من كلمات وألحان محمد رحيم، وتوزيع عمرو الخضري،.
وتقول كلماتها:
السنبلاوين
السنبلاوين
١٠٠ فل و ١٠٠ ياسمين على أهل السنبلاوين
أنا روحت وجيت حبيت حنيت في السنبلاوين
دا عليهم خفة دم تنسي الهم لو انت في غم الدور يتلم تحلق لباريس يا عريس وتروح السنبلاوين
١٠٠ فل و ١٠٠ ياسمين على أهل السنبلاوين
أنا شكلي هسيب البيت و هعيش في السنبلاوين
دا عليهم حبة بط يحَلوا الشط
تلاقي البلطي في عينك نط
تلاقي المحشي كرنب اتحط يسَمَّع في الصين
زهقنا من لعب الجيام
عايزين نعيش ساعتين في سلام
مبقاش في مَلْكَة خلوها سالكة ماتخلصوا في ٣ كلام
اللي معاك نفسه يلَنك
قلبك دا مع قلبه يسَنك
يفضل يسف وعليك يلف تضحكله يرجع يتَنِك..
اللي تحبه يسف سف
وتجيلوا دوغري يلف يلف
يفضل يلففك المَلَف..
طريقة جافة و Tough أنا مخي خف
حمص بيرقص بس بس بس
وفي سينما كوزموس
هُس هُس هُس
جس العسل وفي سمه دس..
أناني بس وعُمرُه في يوم ما حس…
يا بتاع المانجة أنا مالي منجى بلعب كمانجة وألعب قانون..
روحت المحلة وضفايري حلى.. والحب حلّى قشر الليمون
شغل العيال
بوجي وطمطم
مش قولتلك اسكت واقطم
اخرس بقى سُكتُم بُكتُم
أما انت حد صحيح مجنون
وبجد دي أكبر فجوة
لما البلح يصبح عجوة
أطلع بقى على ماما نجوى
هتطلعك في التليفزيون
يشار الى أن فيلم "عصابة الماكس"، بطولة أحمد فهمى، روبي، ولبلبة، وأوس أوس، وحاتم صلاح، ومحمد لطفى، وأحمد فهيم، ومصطفى بسيط، وعدد من ضيوف الشرف، منهم: أحمد السقا، وصلاح عبد الله، وهشام ماجد، ومحمد ثروت، وحمدي الميرغني، وحمو بيكا، الفيلم من تأليف أمجد الشرقاوي ورامي علي، وإخراج حسام سليمان، في أولى تجاربه الإخراجية، وإنتاج هشام عبد الخالق.
وكانت طرحت النجمة روبي مؤخرًا، أغنية بعنوان "الليلة حلوة" على موقع الفيديوهات "يوتيوب" والتي صورتها على طريقة الفيديو كليب، والأغنية من كلمات محمد مصطفى ملك، وألحان محمود أنور، وتوزيع ومكس، وماستر عمرو الخضري.