أصعب لحظات حياة إسعاد يونس.. عندي ضُرة وأبويا مات وعمري 14 عامًا

تصدرت الفنانة إسعاد يونس التريند، بعد الكشف عن كواليس حياتها العائلية والشخصية وعن أصعب فترات حياتها.

وأكدت إسعاد يونس  خلال حلولها ضيفة على برنامج « ABtalks» مع أنس بوخش، أنها عاشت أصعب لحظاتها بعد وفاة والدها وهي في سن الـ14 عامًا، وذلك بعد أن تخلى عنها وعن والدتها.

كما كشفت عن شعورها بعد زواج زوجها للمرة الثانية وعلاقتها بالفنانة شريهان، ونصيحة والدتها لها.

وقالت إسعاد يونس: أبويا مات بعد مرض فترة قصيرة وكنا مستورين، وحصل نوع من التخلي تمامًا ليلة الوفاة وحاجتنا اتباعت وتم تزوير توقيعات أبويا واتطلب من أمي إنها تسيب الشقة وتمشي عشان ياخدوها.

وأضافت: ماما جابتني ليلة الوفاة وكان عندي 14 سنة، وقالت لي احنا معانا 11 قرش بس هنكمل الحياة لحد ما المعاش يتسوى.

وتابعت: ستات كتير بعد وفاة والدي قرروا يقاطعوا ماما لأنها ست حلوة وصغيرة عندها 32 سنة فتخيلوا إنها خطر على الأزواج بعد ما بقت أرملة.

لن تتعرض والدتي للانكسار فى أصعب الظروف

وأشارت: أمي كانت دايماً تقولي متتكسريش أنتي كورة مش طقطوقة.. الكورة تترمي تطلع لفوق لكن الطقطوقة تتكسر.. إنتي مش جماد أي حاجة تقطمك.

ولفتت: بعد زواج جوزي للمرة الثانية .. في الأول كنت في حالة صدمة وغيرة وبكاء وحالة درامية وبعدين قعدت أفكر هل أنا مثالية وجميلة الجميلات؟ لأ طبعا.

ولادي السبب فى استكمال زواجي من زوجي بعد زيجته الثانية

وأوضحت: الراجل ده أنا بحترمه وممكن أتخلى عن كونه يتجوز مقابل إني معايا كل الكنز ده، كمان الولاد كانوا سبب كبير في إني أكمل في علاقة الزواج بعد جوازه للمرة التانية.

واستطردت: أفضال الراجل ده عليا كبيرة.. وابتديت أهدى لأن الظروف جمعتنا أنا وضرتي ولقيت إنهم حبوا بعض وهي شايفاني قدوتها.. وهي هتخلف وهيبقى في صلة دم بيننا وكان لازم أخلي الوضع ده متحضر.

استمرار زواج إسعاد يونس 39 عامًا 

واختتمت إسعاد يونس حديثها قائلة: أنا تميت 39 سنة متجوزة.. النهاردة مفيش جوازة بتستحمل 3 سنين.